Муус алын кырыыта Кангаласс бөһүөлэгин аннынан баар. Дьокуускай уонна Кангаласс анныларынан муус харыыта үөскээн, Табаҕа - Дьокуускай - Кангаласс учаастактарга уу таһыма үрдээтэ. Табаҕа аннынан уу таһыма 930 см (кутталлаах таһым 970 см), муус сэдэхтик устар. Дьокуускай аннынан 778 см (кутталлаах таһым 1034 см), Кангаласс аннынан 979 см (кутталлаах таһым 1000 см). Нам сэлиэнньэтин аннынан уу таһыма 680 см (куттааллаах таһым 950 см). Кэлэр сууккаҕа Кангаласс аннынан уу таһыма 1050 см үрдүүрэ күүтүллэр, муус Нам улууһун кыраныыссатын аттынан устуоҕа. Кангаласс аннынан муус өр харар түбэлтэтигэр кэлэр сууккаҕа уу таһыма өссө үрдээн, Дьокуускай куорат территориятыгар (Табаҕа, Хатас, Даркылаах, Сырдаах, Тулагы) баар нэһилиэнньэлээх пууннарга намыһах сиргэ турар дьиэлэри ылыан сөп.
Амма өрүскэ муус Таатта улууһун аттынан устар. Муус үөһэ кырыыта Таатта улууһун Чымнаайы нэһилиэгин аттыгар баар, уу таһыма 1143 см (кутталлаах таһым 1155 см). Алдан өрүскэ муус Уус Маайа улууһун аттынан устар. Муус алын кырыыта Күп нэһилиэгиттэн алын 70 км сиргэ баар. Уу таһыма 776 см (кутталлаах таһым 1356 см). Муус үөһэ кырыыта Бэлкэтчи аннынан устар, уу таһыма 1345 см (кутталлаах таһым 2013 см). Бүлүү өрүскэ муус Ньурба уонна Үөһээ Бүлүү улуустарын территориятыгар устар. Муус алын кырыыта Үөһээ Бүлүү анныгар баар, уу таһыма 753 см (кутталлаах таһым 1100 см). Муус устубат. Муус үөһэ кырыыта Ньурба куоратын аттыгар баар, уу таһыма 811 см (кутталлаах таһым 1250 см).
-
0
-
0
-
0
-
0
-
0
-
0
