Дьокутааттар доруобуйа харыстабылын салаатын үбүлээһини ырытыстылар. Тустаах министиэристибэ этэринэн, 2027 с. бүддьүөккэ быйылгы сылы кытта тэҥнээтэххэ, үбүлээһин 2 млрд. солк. элбэх үп көрүллүбүт. Үбүлээһин улаатан, мэдиссиинэ көмөтүн кэҥэтиэхтэрэ, Сунтаар уонна Уус Алдан улууһугар Бороҕоҥҥо икки эбийиэги тутуохтара.
Ону таһынан, чэпчэтиилээх эминэн-томунан хааччыйыыга болҕомто уурулунна. Бүддьүөт дэписиитин кэмигэр ааспыт сыллары кытта тэҥнээтэххэ, ити хайысханан үбүлээһин эбиллибит. Итиэннэ санитарнай авиация ыстатыйатыгар үп-харчы тыырыллыыта үрдээбит, онон кредиторскай иэстэрин сабыахтара, сулууспа үлэтин хааччыйыахтара.
Үрдүк технологиялаах мэдиссиинэ көмөтүгэр үбүлээһин аччыыра былааннанар, ол ыстатыйатын, көрүҥүн, эбии төһө үп наадатын туһунан сис кэмитиэт СӨ Доруобуйаҕа харыстабылын министиэристибэтэ иһитиннэриини бэлэмнииригэр көрдөстө.
2027-2029 сылларга ТФОМС бүддьүөтүн барыла сбалансированнай диэн билиннилэр, үбүлээһин кээмэйэ 81 млрд. солк., онон өрөспүүбүлүкэ нэһилиэнньэтигэр ОМС ситиминэн былааннаммыт мэдиссиинэ көмөтүн оҥоруохтара.
Дьокутааттар иккис ааҕыыга кэккэ уларытыылары киллэрэр наадалааҕын эттилэр, мунньах түмүгүнэн сис кэмитиэт киирбит этиилэри учуоттаан туран, бүддьүөт барылын бастакы ааҕыыга ылынарга быһаарынна. Ол туһунан Ил Түмэн пресс-сулууспата иһитиннэрэр.
Василий Кононов хаартыскаҕа түһэриитэ.
-
0
-
0
-
0
-
0
-
0
-
0
