Издательский дом Редакция Подписка
Погода в Якутске: . -0 oC

Өрөспүүбүлүкэ киинигэр «омикрон» штамнаах ыарыынан сибээстээн эбии хааччахтары киллэриэхтэрэ.

Өрөспүүбүлүкэ киинигэр «омикрон» штамнаах ыарыынан сибээстээн эбии хааччахтары киллэриэхтэрэ.

Бу туһунан Ил Дархан Айсен Николаев өрөспүүбүлүкэтээҕи суһал ыстаап мунньаҕар иһитиннэрдэ.

«Уһун бырааһынньыктар кэнниттэн, тас дойдуларга сынньаммыт саха дьоно дьиэлэригэр кэлэн эрэллэр. Ол курдук, Турцияттан сынньанан кэлбит дьахтартан «омикрон» штамнаах ыарыыны буллулар. Бу бастакы түбэлтэ буолар. Кинини кытта алтыспыт дьон билиннэ. Билигин суһал эрэсииминэн кинилэри көрүөхтэрэ», — диэтэ Ил Дархан.

Айсен Николаев бэлиэтээбитинэн, Саха сиригэр ыарыы тарҕаныытын тэтимэ ааспыт нэдиэлэттэн 50% үрдээбит. Ону тэҥэ Дьокуускайга эмиэ ыарыы ахсаана үрдүү турар.

«Бүгүҥҥү күҥҥэ 60%-тан тахса түбэлтэ Дьокуускайга бэлиэтэнэр. Эрдэ бу көрдөрүү 30%-ҥа тэҥнэспитэ. Мэҥэ Хаҥаласка уонна Мииринэйгэ ыарыы ахсаана элбээбитэ көстөр. Горнай, Сунтаар, Орто Халыма уонна Нерюнгри оройуоннара ураты хонтуруолга сылдьаллар», — диэн Айсен Сергеевич эттэ.

Билигин реанимацияҕа 50 ыарыһах сытар, ол иһигэр алта киһи ыараханнык ыалдьар. Бүтэһик сууккаҕа үс киһи тыына быһынна.

Айсен Николаев этэринэн, билигин ханнык баҕарар балаһыанньаҕа бэлэм буоларбыт ирдэнэр. Онон сибээстээн өрөспүүбүлүкэҕэ, чуолаан Дьокуускайга, эбии хааччахтар киириэхтэрэ.

ОРВИ симптомнаах уонна ыарыһаҕы кытары алтыспыт дьонтон анализ ылыахтара, колл-кииннэр уонна суһал көмө биригээдэтин үлэлэрин күүһүрдүөхтэрэ.

Үлэ биэрээччилэргэ үлэһиттэри кэтэхтэн үлэҕэ көһөрөргө сүбэлииллэр.

Ону таһынан, сүрүн болҕомто үөрэх тэрилтэлэригэр ууруллуоҕа.

«Омикрон» штамнаах ыарыы быһыы ылбатах дьоҥҥо кутталааҕын иһин суһал ыстаабка вакцинация тэтимин түргэтитэргэ сорудах бэрилиннэ. 

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением