Ити үбү эрэгийиэннэргэ үллэрэн-тыыран ыытыахтара. Итинтэн Саха Өрөспүүбүлүкэтигэр 130,6 мөл. солк тиксиэҕэ. Бу эбии үп сыстыганнаах дьаҥы хаптатарга, ааһан-араҕан биэрбэт инфекцияны утары охсуһууга эрэ туһуланар.
Дойдуга «омикрон» штамнаах ыарыы соһуччу өрө туран, билигин доруобуйа харыстабылын тэрилтэлэрэ тохтоло суох эрэсииминэн үлэлии сылдьаллар, киһи бөҕөтүн көрөллөр, эмтииллэр. Кинилэри өйүүр туһуттан бу дьаһал таҕыста.
«Ыарыы хас биирдии киһиэхэ уратытык киирэр буолан, дьон поликлиникаҕа эмтэнэр. Амбулаториялар ноҕуруускалара хас да бүк улаатта. Маннык судургута суох усулуобуйаҕа балыыһа үлэтэ хаачыстыбалаах уонна суһал буоларын хааччыйар улахан суолталаах», — диир Мишустин.
-
0
-
0
-
0
-
0
-
0
-
0
