Мэдиссинискэй лабораторияларга, чааһынай кииннэргэ, ону таһынан аптекаларга хонтуруол үлэлэрэ ыытыллара чуолкайданна.
«Борокуруордар болҕомтолорун киинигэр - COVID-19 сыстыганнаах ыарыыттан ПЦР чинчиийиини тэрийиигэ нормативтары толоруу, колл-кииннэргэ исписэлиистэринэн сөптөөх хааччыллыыларын ситиһиллибитин үөрэтии», - диэн иһитиннэриигэ ыйыллар. Кэһии тахсыбыт түбэлтэтигэр борокуруор тустаах миэрэлэри ылынара сабаҕаланар.
Бу иннинэ Госдума бырамыысыланнаска уонна атыы-эргиэн кэмитиэтин баһылыга Владимир Гутенев Федеральнай антимонопольнай сулууспаҕа ПЦР-чинчийии тест, өҥө сыаналарын үрдээһинин хонтуруолга ылалларыгар көрдөспүтэ. Кини этэринэн, ырыынакка ПЦР-тест сыаната 800-1000 солк. куоһарыа суохтаах. Ол эрэн, «Бүтүн Арассыыйатааҕы норуот фронун» (ОНФ) дааннайынан, ПЦР-тест сыаната 2,5 тыһ.солк. диэри тиийэр.
Санатар буоллахха, ПЦР-чинчийии өҥө оҥоруу сыанатын ырыынакка олохтооһунун кыһалҕаларын быһаарыыга, хонтуруолга ылалларыгар уонна тыын суолталаах эмп испииһэгэр киллэрэр кыаҕы көрөллөрүгэр РФ доруобуйа харыстабылын миниистирэ Михаил Мурашко аатыгар Санкт-Петербург дьокутааттара көрдөһүү сурук ыыппыттара.
Билигин киин куоракка ханнык тэрилтэҕэ үлэлиириттэн тутулуга суох уоппускаттан тахсыбыт уонна эрэгийиэн тас өттүттэн кэлбит дьон ПЦР ньыматынан COVID-19 сыстыганнаах ыарыыттан бэрэбиэркэни ааһаллара хайаан да ирдэниллэр. Маныаха «Яннамед», «Кристалл», «Аврора», «Медэкспресс», «Медлайн», М.К. Аммосов аатынан ХИФУ Мэдиссиинискэй килииникэтэ бу тэрилтэлэргэ эмтэнээччилэргэ босхо ПЦР-чинчийиини оҥороллор.
-
0
-
0
-
0
-
0
-
0
-
0
