Издательский дом Редакция Подписка
Погода в Якутске: . 21 oC

2023 с. от ыйын 13 күнүгэр туһааннаах докумуоҥҥа РФ Бырабыыталыстыбатын бэрэссэдээтэлэ Михаил Мишустин илии баттаата.

2023 с. от ыйын 13 күнүгэр туһааннаах докумуоҥҥа РФ Бырабыыталыстыбатын бэрэссэдээтэлэ Михаил Мишустин илии баттаата.

Бу сыалга дойду бырабыыталыстыбата эбии 15 млрд. солк. ороскуоттуоҕа уонна 33 тыһ. тахса итэҕэһэ суох дьиэ кэргэттэри өйүүргэ аныаҕа. Санаттахха, үс уонна онтон элбэх оҕолоох дьиэ кэргэттэр ипотека кирэдьииттэрин өйүүр бырагыраама 2019 сылтан үлэҕэ киирбитэ.

2024 с. от ыйын 1 күнүгэр диэри ипотека дуогабарын түһэрсибит элбэх оҕолоох дьиэ кэргэттэр 450 тыһ. солк. диэри кирэдьиит дуогабарын сууматыттан төлүүр бырааптаахтар, өскөтүн 2019 с. тохсунньу 1 күнүттэн ахсынньы 31 күнүгэр диэри үһүс эбэтэр онтон кэлин оҕоломмут эбэтэр ииттэ ылбыт буоллахтарына. Бэлиэтээн эттэххэ, компенсация ыларга оҕо сааһыттан тутулуга суох.

Бырагыраамаҕа кыттарга «Госуслуги» портал нөҥүө сайаапка ыытыахха сөп. Бырагыраама операторынан «ДОМ.РФ» АХ буолар. Үбү-харчыны тус сыаллаах уонна көдьүүстээхтик туһаныы хонтуруолун РФ Үпкэ министиэристибэтэ ыытыаҕа, онтон дойду бырабыыталыстыбата 2024 с. олунньу 1 күнүгэр диэри отчуоттуоҕа.

Компенсация туһанарга ирдэнэр докумуоннар чуолкайданнылар:

- кирэдьиити төлүүр туһунан сайабылыанньа;

- төрөппүтү уонна 14 саастарын туолбут оҕолору туоһулуур докумуоннар (пааспар);

- ийэ, аҕа буолууну туоһулуур докумуоннар (сибидиэтэлистибэлэр, туоһу суруктар);

- ипотека кирэдьиитин биэриини, ол эбэтэр дьиэни-уоту, дьиэ туттарга сир учаастага атыылаһыллыбытын туоһулуур докумуоннар.

Ипотечнай кирэдьиити туһанааччы бигэргэммит быраабыла балаһыанньатынан, ипотечнай кирэдьиити туоһулуур докумуоннары тиксэриэхтээх (дьиҥнээх эбэтэр нотариальнайдык бигэргэммит). Оттон докумуону тутааччы бэрэбиэркэлэн баран, «ДОМ.РФ» АХ ыытыахтаах, ол кэннэ хампаанньа ипотека сууматын төлүүргэ 450 тыһ. солк. итэҕэһэ суох харчыны түһэриэхтээх.

Бүгүн, от ыйын 17 күнүгэр,  СӨ Ил Дархана Айсен Николаев СӨ Бырабыыталыстыбатыгар уонна Үлэҕэ министиэристибэтигэр сыыппара көмөтүнэн биир киин платформаны олоххо киллэриигэ бэлэмнэнии үлэни ыытарга сорудахтаата. Платформа 2024 с. тохсунньу 1 күнүттэн үлэлээн, социальнай өйөбүлү судургутук анааһынын хааччыйыаҕа. Бастакы түһүмэххэ платформаҕа федеральнай өйөбүллэр бары дьаһаллара киллэриллиэхтэрэ, онтон салгыы эрэгийиэнтэн көрүллэр өйөбүллэр баар буолуохтара.

Хаартыска интэриниэт ситимиттэн туһанылынна

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением