2026 сылтан босуобуйаны аныырга кэккэ уларыйыылар киирэллэрэ былааннанар. Ол курдук, РФ Үлэҕэ министиэристибэтэ пилотнай бырайыак хайдах үлэлээн барыахтааҕын билиһиннэрдэ. Кэлэр сылтан босуобуйаны аныырга баан счётугар киирэр харчыны эмиэ учуоттуур буолуохтара. Бу уларыйыыны кэлэр сылга Москуба уобалаһыгар, Ханты-Мансийскай уонна Ямало-Ненецкэй автономнай уокуруктарга эспэримиэн быһыытынан киллэриэхтэрэ.
Бырайыакка сурулларынан, баан счётунан ааһар харчы дьиэ кэргэн сыллааҕы дохуотуттан 2 төгүл үрдүө суохтаах. Холобур, ыал сыллааҕы дохуота 450 тыһ. солк. эбит буоллаҕына, сылга баан счётунан 900 тыһ. солк. кыра суумма ааһыахтаах. Манна дьиэ кэргэн хас биирдии чилиэнэ учуоттанар.
Ойуу: СӨ Үлэҕэ уонна социальнай сайдыыга министиэристибэтэ.
-
0
-
0
-
0
-
0
-
0
-
0
