Дойду салалтата маннык сөптөөх быһаарыныыны ылынна диэн Арассыыйа пенсионнай пуондатын Саха сиринээҕи салаатын управляющайа Георгий Степанов иһитиннэрдэ. Ол курдук, Сбербаан уонна Россельхозбаан көрүллүөхтээх үбү аһардыбыттар. Онтон “Почта России” ПАУо көмөтүнэн тиэрдиллэр биэнсийэ харчыта муус устар 5 күнүттэн кыраапык быһыытынан төлөнүөҕэ.
Саха сирин үрдүнэн Аҕа дойду сэриитин уонна тыыл 4939 бэтэрээнэ муус устардааҕы биэнсийэлэрин кытта Улуу Кыайыы үбүлүөйдээх 75 сылыгар аналлаах биир кэлим төлөбүрдэрин (50 уонна 75 тыһ. солк.) уонна сылга биирдэ көрүллэр 10 тыһыынчалыы көмө харчыны ылыахтара.
Зинаида Винокурова, Дьокуускайдааҕы сэрии оҕолоро уопсастыбаннай түмсүү бэрэссэдээтэлэ:
- Бэрт сонуну иһиттибит. Бу ыксаллаах кэмҥэ сөптөөх быһаарыныыны ылыммыттар диэн биир бэйэм үөрэ иһиттим. Билигин маннык бөрүкүтэ суох кэмҥэ үгүс биэнсийэлээхтэр ас-үөл, эмп-том ылыналларыгар харчы наадата чуолкай буоллаҕа.
-
0
-
0
-
0
-
0
-
0
-
0
