— Сахам сирин ытыктабыллаах олохтоохторо, күндү быыбардааччыларым!
Ааһан эрэр сылы атаараары туран, эһигини кэлэн иһэр Саҥа дьылынан уонна Ороһуоспанан ис сүрэхпиттэн эҕэрдэлиибин!
2021 сыл биһиги дойдубутугар төһө да элбэх ыарахаттары үөскэттэр, этэҥҥэ түмүктээн, былааннаабыт сыалбыт-сорукпут олоххо киириэ диэн бигэ эрэллээх кэлэн иһэр Баабыр сылын көрсүөҕүҥ!
Өрөспүүбүлүкэбитигэр биллэриллибит Чэбдигирии сылын чэрчитинэн тус бэйэм Ил Түмэн үс: доруобуйа харыстабылын, социальнай көмүскэл, үлэлээх уонна дьарыктаах буолуу, дьиэ кэргэн уонна оҕо, судаарыстыбаннай тутул уонна олохтоох салайыныы -- кэмитиэттэригэр дьаныардаахтык үлэлээн, дойдум дьонун олоҕо, доруобуйата тупсарыгар сыһыаннаах Өрөспүүбүлүкэ аҕыс сокуонугар уларытыылары киллэрэри ситистим.
Быйыл өрөспүүбүлүкэ үрдүнэн киэҥник тарҕаммыт ойуур баһаардарыгар биһиги тэрилтэбит туора турбакка, үбүнэн-харчынан, тиэхиньикэнэн, саппаас чааһынан көмөлөспүппүт. Үтүө үгэс быһыытынан ыччаттарбыт, оҕолорбут доруобай буолалларын туһугар спорт тэрээһиннэрэ ыытыллалларыгар тиһигин быспакка, күүс-көмө буолабыт.
Сыл устата дьокутаат аатыгар биирдиилээн дьонтон киирбит боппуруостарыгар туһааннаах үлэ ыытыллан, үтүө түмүктэрдээх буолла. Быыбардааччыларбар, Сахам сирин олохтоохторугар кэлэр сылга чэгиэн туругу, ылсыбыт дьыалаҕыт ыпсарыылаах буоларыгар, дьиэ кэргэҥҥитигэр байылыат олоҕу, сайдыыны баҕарабын. Үйэлэри уҥуордаан кэлбит аптаах бырааһынньык үтүө үгэстэрэ барыбытыгар инникигэ эрэли сахтыннар, алаһа дьиэбитин сылааһынан сыдьаайан, олохпут тупсарыгар дьоһуннаах олук буоллуннар!
-
0
-
0
-
0
-
0
-
0
-
0
