“Биир ньыгыл Арассыыйа” баартыйа бэрэссэдээтэлэ Дмитрий Медведев фракцияҕа Төрүт сокуоҥҥа киирбит көннөрүүлэргэ олоҕуран саҥа сокуоннары бэлэмнээн баралларыгар сорудахтаата. Ону куоластааһын түмүктэрин уонна сокуону оҥоруу туһунан “Биир ньыгыл Арассыыйа” фракцияларын салайааччыларын кытта онлайн мунньахха этэн турар. Дмитрий Медведев үгүс көннөрүүлэри “Биир ньыгыл Арассыыйа” баартыйа киллэрбитин бэлиэтээтэ. Онон Төрүт сокуон саҥа көннөрүүлэрэ олоххо киирэллэригэр баартыйа уһулуччу үрдүк эппиэтинэһи сүгэрин санатта.
Саҥа көннөрүүлэр федеральнай таһымҥа сүүсчэкэ федеральнай сокуон ис хоһоонноро уларыйарын көҕүлүөхтэрэ. Үгүс сокуон социальнай эйгэҕэ туһуланар. Ол курдук, биэнсийэҕэ, көмө харчыга (пособиеҕа), дьиэ кэргэн көмүскэллээх буолуутугар, үөрэх боппуруостарыгар элбэх урукку сокуон уларыйара уолдьаспыт. Ону таһынан доруобуйа харыстабылыгар, билимҥэ, култуураҕа, судаарыстыбаннай уонна муниципальнай сулууспаҕа, быыбар сокуонугар, урбааҥҥа, бас билии көмүскэллээх буолуутугар, уо.д.а. хайысхаларынан эмиэ элбэх уларыйыылар киириэхтээхтэр.
Сокуоннар уларыйыыларыгар эрэгийиэннэр баһылыктара, уопсастыбаннай тэрилтэлэр уонна юридическай түмсүүлэр быһаччы кыттыыны ылыахтара.
“Биир ньыгыл Арассыыйа” баартыйа Госдумаҕа фракциятын салайааччыта Сергей Неверов, сокуоҥҥа киириэхтээх уларыйыылары Арассыыйа бары эрэгийиэннэрин кытта бииргэ үлэлээн оҥоруохтаахтарын иһитиннэрдэ.
-
0
-
0
-
0
-
0
-
0
-
0
