Маныаха РФ Бырабыыталыстыбата ыам ыйын 1 күнүгэр диэри ол ускул-тэскил олохтоох дьону хайдах барыларын судаарыстыбаннай порталга, Биэнсийэ пуондатын реестригэр регистрациялыыр туһунан идиэйэлэрин бэлэмнээн киллэриэхтээх.
Төһө да үлэлээбэккэ арыгылыы, умнаһыттыы сылдьар буоллаллар, кинилэр эмиэ судаарыстыбаттан биэнсийэ ылар уонна доруобуйа харыстабылын өҥөтүнэн туһанар бырааптаахтар. Онон билигин эрэгийиэннээҕи толоруулаах (ситэриилээх) былаастарга регистрация мэхэньиисимин тобуларга сорудах бэрилиннэ. Киирбит этиилэри барытын сыныйан, РФ Бырабыыталыстыбата биир табыгастааҕы таҥан таһаарыахтаах.
Аны, кэнники кэмҥэ кэмиэрчэскэйэ суох тэрилтэлэр (НКО) бу социальнай кыһалҕаҕа туһуланан үлэлиир буолла. Олор көмөлөрө баһаам, ол иһин кинилэри өйөөн, боломуочуйаларын өссө кэҥэтэр сорук турар.
Манна даҕатан эттэххэ, Владимир Путин биэнсийэ инфляция таһымыттан үрдүктүк индексацияланар сокуонугар илии баттаата. 2022 сыл тохсунньу 1 күнүттэн үлэлээбэт биэнсийэлээхтэргэ страховой биэнсийэлэрэ 8,6 % улаатыа. Бу туһунан РФ Судаарыстыбаннай Дууматын саайта иһитиннэрэр.
Госдума бэрэссэдээтэлэ Вячеслав Володин Telegram-ханаалыгар: «Бары социальнай эбэһээтэлистибэлэр туолалларыгар туох кыалларын оҥоруохха. Бу быһаарыныы биһиги гражданнарбытын өйүүр сыаллаах. Сыана үрдүү турар кэмигэр биэнсийэҕэ эрэ олорооччуларбыт эбии ороскуоттары көрсөллөр», - диэн.
-
0
-
0
-
0
-
0
-
0
-
0
