Издательский дом Редакция Подписка
Погода в Якутске: . 30 oC

Арасыыйа үрдүнэн тус сыаллаах үөрэхтээһиҥҥэ (целевиктарга) биир кэлим база оҥоһуллуоҕа.

Арасыыйа үрдүнэн тус сыаллаах үөрэхтээһиҥҥэ (целевиктарга) биир кэлим база оҥоһуллуоҕа.

Саҥа ньыма 2024 с. ыам ыйын 1 күнүттэн «Работа в России» порталга үлэлиирэ былааннанар. Итини таһынан, үлэ биэрээччилэр испииһэктэрэ кэҥэтиллэн биэриэҕэ. Онуоха үөрэххэ туттарсааччы үлэ биэрээччини уонна үрдүк үөрэх тэрилтэтин кытта тус сыаллаах биир эрэ дуогабарга илии баттаһыан сөп диэн РФ Үөрэхтээһин министиэристибэтигэр быһарааллар. Бырагыраама сүрүн соруга — экэниэмикэ атын салааларыгар каадыр дэписсиитин толоруу. Холобур, дойду үрдүнэн билигин сөмөлүөт, бөртөлүөт уонна хараабыл тутааччылара наадалар.  Оттон тыа сирин балыыһаларыгар быраас, сиэстэрэ, мэдиссиинэ үлэһитэ тиийбэттэр. Бу иннинэ РФ Үөрэххэ уонна наукаҕа миниистирэ Валерий Фальков быһаарбытынан, былырыын үрдүк үөрэх кыһалара 34 тыһ. кэриҥэ целевиктары бэлэмнээн таһаарбыттар. Кинилэртэн үлэҕэ киирээччитэ – 70%. 

Билигин тус сыаллаах үөрэҕи сакаастааччыларынан госкорпорациялар, федеральнай министиэристибэлэр, эрэгийиэннэр бырабыыталыстыбалара, олохтоох салайыныы дьаһалтара, тыйаатырдар, түмэллэр, балыыһалар, чааһынай урбаанньыттар буолуохтарын сөп. Ону сэргэ целевиктэри «Сколково» инновационнай кииҥҥэ, «Эра» технополиска, аан дойдутааҕы мэдиссиинэ кластердарыгар уонна инновационнай научнай-технологическай кииннэр бырайыактарын иһинэн бэлэмнэниэхтэрин сөп.

Санаттахха, тус сыаллаах үөрэхтээһини ааспыт устудьуон хантараак ирдэбилининэн хампаанньаҕа биэс сыл үлэлиир эбээһинэстээх. Биэс сыл устата үлэлээбит исписэлиис үчүгэй көрдөрүүлээрдээх буоллаҕына, хампаанньа хантараак болдьоҕун уһатар бырааптаах.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Түһүлгэ

«Суораттааҕым барахсан»

Кэҥкэмэ кэрэ айылҕатыгар олорор Чомчоевтарга ааспыт өрөбүлгэ ыалдьыттаан, «Суораттааҕым…
14.07.24 12:30