Издательский дом Редакция Подписка
Погода в Якутске: . -14 oC

Төһө да пандемиянан сайыҥҥы лааҕырдар үлэлээбэтэллэр, агро хайысхалаах оскуолалар оҕуруоттарын сайыны быһа көрдүлэр.

Төһө да пандемиянан сайыҥҥы лааҕырдар үлэлээбэтэллэр, агро хайысхалаах оскуолалар оҕуруоттарын сайыны быһа көрдүлэр.

Амма Бөтүҥэр

Бөтүҥҥэ саҥа таас оскуола былырыын үлэҕэ киирбитэ. Маһы олордуу, сибэккини арассаадалааһын, о.д.а. үлэни Ида Назарова салайан ыыппыт. Пандемиянан сайыҥҥы лааҕыр үлэлээбэтэх. Ол да буоллар, оҕурсу, помидор, баклажан, хаппыыста, сүбүөкүлэ, арбуз, дьэдьэн, итиэннэ сибэкки арааһын үүннэрбиттэр. Бастакы үүнүүнү номнуо муус устарга амсайбыттар. Нэһилиэнньэ сибиэһэй оҕуруот аһын хамаҕатык атыылаһар. Оскуолаҕа уу ситимэ тардыллан абыраабыт.

 Бетюнцы3 2

Үөһээ Бүлүү Кэнтигэр

Кэнтиккэ оскуола агро хайысхалааҕын ааһан, оҕолорго экологическай тыыны иҥэрэллэр. Онон тулалыыр эйгэни харыстааһыҥҥа, ыраастык тутууга улахан болҕомтону уураллар.

 Кэнтик1 1

Уус Алдан Бэйдиҥэтигэр

Бэйдиҥэ оскуолатыгар урбаанньыт Игнатий Слепцов салайыытынан оҕолор ыҥырыа иитэллэр. «Саамай уустуга -- кыстыгы туоратыы. Сөптөөх усулуобуйаны тэрийии улахан суолталаах. Ыҥырыалар кыһын утуйбаттар, бытаараллар, бары ньолбуһах мээчиктии кумуллан кыстыыллар. Атырдьах ыйын бүтүүтэ кыстык аһылыктарын бэлэмниибит: 10 кг бэйэлэрэ булуммут мүөттэрэ, 20 кг сироп оҥоробут. Күһүҥҥү профилактика быһыытынан, бэтэринээрдэр араас препараттарынан эмтииллэр».

Бэйдиҥэ 1

Амма Мээндигэтигэр

Мээндиги агрооскуолатын агронома Нелли Пухова: «Сайын лааҕыр көҥүллэмэтэҕэ. Онон ыҥырыалары Александр Охлопков уолунаан Григорийы уонна кини табаарыһа Коля Терентьевы кытта көмөлөөн көрбүттэрэ. Иккиэн быйыл тохсуһу бүтэрбиттэрэ. Сайын устата иккитэ мүөт ыллыбыт. Дьон-сэргэ олус сөбүлээн атыылаһар. Оҕуруоппутун (хортуоппуй, хаппыыста, оҕурсу, помидор, кабачок) учууталлар, оскуола үлэһиттэрэ бэйэлэрэ көрдүлэр. Сороҕун нэһилиэнньэҕэ атыылыыбыт, сороҕун хаһаанабыт, кыһын оҕолорго сиэтэбит”.

Мэндиги3 1

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением