Ол эрээри, сыл ахсын сүүһүнэн үөрэнээччи нуучча тылыгар уонна математикаҕа кыаммакка, аттестаттарын кыайан ылбаттар. Өрөспүүбүлүкэ үрдүнэн бары биридимиэттэргэ БКЭ орто баала Арассыыйа атын эрэгийиэннэригэр тэҥнээтэххэ, кыра. БКЭ-ни туттарыыга инники күөҥҥэ Мииринэй, Нерюнгри, Алдан, Ленскэй, Өлүөхүмэ, Горнай улуустара иһэллэр. Агрооскуолаларга үөрэх хаачыстыбата намыһах, кэккэ биридимиэттэргэ БКЭ көрдөрүүтэ өрөспүүбүлүкэ орто көрдөрүүтүттэн 10-12 баалынан намыһах. Кыра кэмпилиэктээх оскуолалар эмиэ хаачыстыба өттүнэн хаалан иһэллэр, кинилэр сүрүннээн тыа сиригэр бааллар. Тыа сирэ төрөөбүт тылбыт, төрүт култуурабыт биһигэ эрээри, куоракка үөрэх ордук хаачыстыбалаах буолан, ыаллар дьиэ кэргэнинэн оҕолорун үөрэттэрэ көһөргө күһэллэллэр.
Онон Ил Дархан үөрэх хаачыстыбата саҥалыы дьаһанан үлэлээһини, сыыппара технологиятын туһаныыны ирдиирин эттэ. Ону хааччыйарга бары үөрэх тэрилтэлэригэр босхо куйаар ситимигэр киириигэ оптоволокно уонна сибээс аргыс ханаалын нөҥүө эрэллээх ситим тардылынна, кэлиҥҥи биэс сылга «Үөрэхтээһин» национальнай бырайыак чэрчитинэн оскуолаларга 11 тыһ. сыыппара оборудованиета тиэрдилиннэ. Онон оҕолор тэйиччи олорон аныгы технологиянан үөрэнэр кыахтаннылар. Өрөспүүбүлүкэҕэ иккис сылын маннык технологияны туһанар Үөрэх киинэ үлэлиир.
Хаартыска: Үөрэх уонна билим министиэристибэтэ.
-
0
-
0
-
0
-
0
-
0
-
0
