Ф.И. Авдеева аатынан оҕо айымньытын дыбарыаһыгар оскуола бүддьүөтүгэр бастыҥ бырайыактары көрөр бастакы бэстибээл ыытыллыбыта. Дьокуускайтан уонна Жатайтан пилотнай бырайыак 280 тахса кыттыылаахтара мустан, үлэлэрин көрдөрбүттэрэ.
2024 с. 19 үөрэх тэрилтэтэ кытынна, чуолаан Дьокуускай куорат, Хатас, Жатай, Нерюнгри, Чурапчы, Мэҥэ Хаҥалас оскуолалара бырайыактарын дьон дьүүлүгэр таһаардылар. Өрөспүүбүлүкэ бүддьүөтүгэр кинилэр бырайыактарын үбүлүүргэ 5,7 мөл. солк. көрүллүбүтэ.
Былырыын үөрэнээччилэр 92 бырайыагы толкуйдаан таһаардылар, онтон сүүмэрдиир мунньахха 38-һа талыллыбыта, итинтэн улахан аҥаара сынньалаҥ сирин оҥорорго оҥоһуллубут, ону таһынан, теле-медиа студия, коворкинг киин, бэлэсипиэти уурар парковка, хаартыскаҕа түһэр кырыаһыабай фотозона, сыанаҕа кэтэр көстүүм наадатын ыйбыттар. 6621 учуутал уонна үөрэнээччи куоластааһыныгар кыайбыт бырайыактар үбүлэнэн, 2024 сыл бүтүөр диэри олоххо киирдилэр.
Хаартыска Светлана Колодезникова архыыбыттан.
-
0
-
0
-
0
-
0
-
0
-
0
