Атын муниципальнай тэриллиилэр, оскуола үлэһиттэрэ улахан интэриэстээхтэрин көрөн, СӨ Үбүн министиэристибэтэ 2025 с. өрөспүүбүлүкэ үрдүнэн бары улуустарга оскуола ис-тас эйгэтин тупсарарга үөрэнээччилэр туруорсууларынан бүддьүөтү оҥорууну киллэрдэ. Ити сыалга өрөспүүбүлүкэ бүддьүөтүттэн олохтоох бүддьүөккэ (улуустарга) оскуола үөрэнээччилэрин уонна эдэр ыччат көҕүлээһинин өйүүргэ бүддьүөт икки ардынааҕы трансферт (үп-харчы) көрүллэр. Быйыл ол кээмэйэ 5,7 мөл. солк.
Куонкуруска кыттыы «Саха Өрөспүүбүлүкэтин куонкурустара уонна гырааннара» официальнай саайт конструкторын нөҥүө ыытыллыбыта.
12 улуустан уонна Дьокуускай, Жатай куорат уокуругуттан уопсайа 67 сайаапка киирбитэ. Куонкуруска киирбит бырайыактар сыаналара 18,8 мөл. солк. Дьүүллүүр сүбэ бу саас мунньахтаан баран бырайыактар риэйтиннэринэн сирдэтэн, 8 улуустан уонна Дьокуускай куораттан 24 бастыҥ бырайыактаах оскуолалары талбыта. Ол үлэтин сыаната 7,5 мөл. солк. этэ, оттон бастыҥ бырайыактары олоххо киллэрэргэ 5,7 мөл. солк. бэриллибитэ.
Хаартыска Светлана Колодезникова архыыбыттан.
-
0
-
0
-
0
-
0
-
0
-
0
