СӨ Бырабыыталыстыбатын уонна Ил Дарханын дьаһалтатын салайааччыта Георгий Михайлов СӨ Үөрэҕин уонна билимин дааннайыгар сигэнэн, өрөспүүбүлүкэҕэ кыра кэмпилиэктээх уонна кочевой оскуолаҕа күн бүгүн 13500 оҕо үөрэнэр диэн иһитиннэрдэ. Кыра кэмпилиэктээх оскуолаҕа 110-тан итэҕэһэ суох үөрэнээччи баар буолуохтаах. Кини Төрүт сокуон оҕону кыра кэмпилиэктээх уонна кочевой оскуолаҕа үөрэтэргэ бары мэктиэни тутуһарын туһунан хоруйдаата.
Ил Түмэн судаарыстыба тутулугар уонна сокуону оҥорууга сис кэмитиэтин бэрэссэдээтэлэ, Ил Түмэн Бэрэссэдээтэлин солбуйааччы Афанасий Владимиров Төрүт сокуоҥҥа уларытыылары киллэрии туһунан конституционнай сокуон барыла өрөспүүбүлүкэ Конституционнай сэбиэтин, Ил Түмэн быраапка управлениетын, СӨ Борокуратууратын, СӨ Юстицияҕа министиэристибэтин сөбүлэҥин ылбытынан сибээстээн, үс ааҕыыга ылынарга ыҥырда.
Василий Кононов хаартыскаҕа түһэриитэ.
-
0
-
0
-
0
-
0
-
0
-
0
