Быйылгы үөрэх дьылыгар барыта 186 бүддьүөт миэстэтэ көрүлүннэ, - диэн ХИФУ пресс-сулууспата иһитиннэрэр. Ону таһынан үнүстүүт быйыл «Гидрометеорология» бырагырааматын сөргүтэн, эбии 18 бүддьүөт миэстэтин арыйда. Экология-география отделениетын старшай преподавателэ Александра Петрова бэлиэтииринэн, метеоролог-исписэлиис идэтинэн үлэ булара судургу: Саха сирин 100 метеостанцияҕа исписэлиистэр тиийбэттэр.
Абитуриеннар докумуоннарын үс көрүҥүнэн биэриэхтэрин сөп: ХИФУ сайтыгар киирэн, абитуриент тус кэбиниэтинэн, "Госуслуга" порталыгар «Үрдүк үөрэх кыһатыгар онлайн туттарсыы» сервис нөҥүө уонна почтанан. Орто анал үөрэххэ туттарсыыга докумуоннары атырдьах ыйын 10-15 күннэригэр, бакалавриакка – от ыйын 15-29 күннэригэр, магистратураҕа уонна аспирантураҕа атырдьах ыйын 10 күнүгэр, ординатураҕа атырдьах ыйын 5 күнүгэр диэри докумуоннары ылыахтара.
-
0
-
0
-
0
-
0
-
0
-
0
