Быйылгы сүүрдүү Саха Аптаныамыйатын төрүттэспит биир чулуу киһибит, быйыл төрөөбүтэ 125 сыла бэлиэтэнэр Степан Аржаков аатын кытта ситимнэнэн ыытыллыбытын санатыахха сөп. Сүүрдүү бирииһин уопсай пуондата 5,6 мөлүйүөн солкуобай.
Сыллата ыытыллар күһүҥҥү сүүрдүүгэ Ил Түмэн бэрэссэдээтэлэ Алексей Еремеев, СӨ Бырабыыталыстыбатын бэрэссэдээтэлин солбуйааччы Сергей Местников, СӨ Тыа хаһаайыстыбатын уонна аһылык бэлиитикэтин миниистирин солбуйааччы Николай Афанасьев, Саха Сирин ат успуордун федерациятын бэрэссэдээтэлэ Александр Свинобоев кытыннылар.
1600 миэтэрэ сүүрдүүгэ 2 саастаах, өрөспүүбүлүкэҕэ төрөөбүт ыраас хааннаах боруода аттар сүүрүүлэригэр Чурапчыттан Арчылан бастаата уонна Саха Аптаныамыйатын төрүттэспит биир чулуу киһибит, быйыл төрөөбүтэ 125 сыла бэлиэтэнэр Степан Аржаков аатынан бирииһи тутта.
2400 миэтэрэ сүүрдүүгэ СӨ Тыа хаһаайыстыбатын уонна аһылык бэлиитикэтигэр министиэристибэтин бирииһигэр 4 -тээх, өрө саастаах ыраас хааннаах боруода аттарга бастакынан Хаҥаластар Евр сүүрүк бастаата.
3200 миэтэрэ сүүрдүүгэ 4 -тээх, өрө саастаах өрөспүүбүлүкэҕэ төрөөбүт ыраас хааннаах боруода аттар сүүрүүлэригэр кыайыылааҕынан Мэҥэ Хаҥалас Шугар Кид сүүрүгэ таҕыста уонна “Национальное достояние” бирииһинэн наҕараадаланна.
10 км. сүүрдүүгэ СӨ Бырабыыталыстыбатын Бэрэссэдээтэлин бирииһигэр 4-тээх, өрө саастаах саха боруода аттарын сүрүүлэригэр Тааттаттан Дохсун сүүрүк 17 мүнүүтэ 47 сөкүүндэнэн кэлэн бастаата, иккиһинэн эмиэ Тааттаттан Дедуль сүүрүк кэллэ.
Сезону сабар күһүҥҥү ат сүүрдүүтүн СӨ бырабыыталастыбата, СӨ тыа хаһаайыстыбатын уонна аһылык бэлиитикэтигэр министиэристибэтэ, Саха Сирин Ат успуордун федерацията, АГАТУ тэрийэн ыыттылар.
Хаартыскалар куйаар ситимиттэн ылылыннылар
-
0
-
0
-
0
-
0
-
0
-
0
