Издательский дом Редакция Подписка
Погода в Якутске: . -13 oC

Ил Түмэн тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ Андрей Находкин быыбардыыр уокуругар  - Мэҥэ-Хаҥалас улууһугар салгыы үлэлиир. Тохсунньу 17 күнүгэр кини Тыыллыма нэһилиэгэр уонна Лоомтукаҕа сылдьан улуус баһылыга Дмитрий Тихонов отчуотугар кыттыыны ылла. 

Ил Түмэн тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ Андрей Находкин быыбардыыр уокуругар  - Мэҥэ-Хаҥалас улууһугар салгыы үлэлиир. Тохсунньу 17 күнүгэр кини Тыыллыма нэһилиэгэр уонна Лоомтукаҕа сылдьан улуус баһылыга Дмитрий Тихонов отчуотугар кыттыыны ылла. 

Дмитрий Тихонов улууска тыа хаһаайыстыбатын сайыннарар сыалтан үс сыллаах үлэ былааннанан, 10 мөлүйүөн солкуобай харчы көрүллэн, икки бастыҥ үлэлээх нэһилиэктэр 5-тии мөлүйүөн солкуобайы ылар балаһыанньалара олохтоммутун иһитиннэрдэ. 

хаат 1 мужчина

Ил Түмэн дьокутаата Андрей Находкин тыа хаһаайыстыбатын сайыннарыы хайысхатынан ааспыт сыл түмүктэрин, үүммүт сылга туох сорук турарын билиһиннэрдэ. «Тыа хаһаайыстыбата да, тыа сирэ да дойдутугар бэриниилээх үлэһит илии баарын тухары   хаһан да эстиэхтэрэ суоҕа. Биһиги үлэлиир кыаҕа суох буоллахпытына атын омуктар кэлэн үлэлиэхтэрэ. Тыа хаһаайыстыбата - биһиги өбүгэлэрбититтэн тутан хаалбыт төрүт дьарыкпыт буолар. Саха сирин саамай хабайар хаба ортотугар олорор киин улууспут. Мин санаабар, ханнык да балаһыанньаҕа биир да нэһилиэк сабыллыа суоҕа - бары кэскиллээхтэр. Оҕо төрөөһүнэ элбиэхтээх, ол баһылыктан быһаччы тутулуктаах. Кини сөптөөх бэлиитикэни ыытан, дьонун-сэргэтин кытта кэпсэтэн тыа сиригэр олохсуйалларын, ыал буолалларын, онно сөптөөх усулуобуйа тэрийэн ситиһиэхтээх. Биһиги салгыммыт ыраас, сирбит быйаҥнаах, нэһилиэкпит кэскиллээх, күөлбүтүгэр кус толору, балык бөҕө дии сылдьыахтаах. Нэһилиэнньэ туруорсуугутунан сотору аҕыс кыбартыыралаах толору хааччыллыылаах таас дьиэ тутулуннаҕына дьон кэлэн олохсуйарыгар төрүөт буолуоҕа. Билигин ханнык даҕаны нэһилиэккэ саамай сытыытык турар демография боппуруоһугар үлэлэһиэххитин наада. Эдэр ыаллары олохсутарга күүстээх үлэ барыан наада, ыччаттар билигин тыа сиригэр хаһаайыстыба тэринэн үлэлиир, олорор бары өттүнэн табыгастаах диэн өйдүүллэрин курдук гына», - диэн этиннэ.  

хаат 3 бабушка

Маны таһынан, Андрей Михайлович ыстатыыстыкаҕа олоҕурбут сыыппараларынан холобур аҕалла. «Билигин нэһилиэнньэ 91 бырыһыана судаарыстыбаттан аһаан-таҥнан олоробут. Мантан 40 бырыһыана бүддьүөт үлэһиттэрэ, 30 бырыһыана биэнсийэлээхтэр уонна босуобуйа ылааччылар, 21 бырыһыана төрөппүттэригэр иитиллэн олорооччулар. Онтон бэйэбит үлэлээн-хамсаан оҥорон таһаарарбыт 2 бырыһыан эрэ. Ону элбэтиэхпитин наада. Бэйэ дьыалатын арынан нэһилиэгэр олохсуйан олорон үлэлиир-хамсыыр дьону өйүөхпүтүн наада. Үлэнэн оҕону иитии бэлиитикэтэ билигин үөрэх эйгэтигэр сөргүтүллэн хаттаан киирэн эрэр. Тыа сиригэр олорон оттуур алааһы күрүөлүүр улахан кыһалҕа буолбатах. Оҕолору үлэҕэ кыратыттан сыһыаран, хамсатан, аймаҕынан субуотунньуктаан да күрүөлэниэххэ сөп. Билигин уустук кэмҥэ олоробут, бытархайга тырыта тыытыспакка биир сомоҕо буолан күүһүрэн бииргэ түмсэрбит наада. Үлэ Сылыгар хас биирдии киһи олоҕун уйгута, нэһилиэгин сайдыыта бэйэтиттэн эмиэ тутулуктааҕын өйдөөн  үлэни-хамнаһы күүһүрдэн, оҥорон таһаарыыны үрдэтэр сорук бүгүҥҥү күҥҥэ ордук күүскэ турда», - диэн тоһоҕолоон бэлиэтээтэ.

Олохтоохтор сүрүннээн суол-иис оҥоһуутун, 45 км. суолу кэҥэтиини, тимир суолга тахсыыны намтатан биэрэри, скважина үлэтигэр оҥорон таһаарар тэрилтэ сыһыарыллан үлэлииригэр, психолог вакансията баарын, үлэһиттэргэ уопсай дьиэ, нэһилиэккэ успуорт саала тутуллаллара наадатын, үрдүттэн биэлсэр суоҕун кыһалҕатын, хочуолунайга улахан кыамталаах подстанция наадатын тула ыйытыктарын-этиилэрин оҥордулар. Нэһилиэк хас биирдии ыала киин ититэр ситимҥэ холбонон,  вайфай сибээһэ ыал аайы киирэн  олохтоохтор сүрүн кыһалҕалара быһаарыллан астыналларын биллэрдилэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23