Издательский дом Редакция Подписка
Погода в Якутске: . 27 oC

Ааспыт нэдиэлэҕэ Ил Түмэҥҥэ Ил Түмэн Бэрэссэдээтэлэ Алексей Еремеев уонна СӨ Бырабыыталыстыбатын чилиэннэрэ кыттыылаах Федерация Сэбиэтин 2022 с. ахсынньы 23 күнүнээҕи 729 №- дээх уурааҕын соруктарын толорууга былааннаммыт мунньах буолан ааста.

Ааспыт нэдиэлэҕэ Ил Түмэҥҥэ Ил Түмэн Бэрэссэдээтэлэ Алексей Еремеев уонна СӨ Бырабыыталыстыбатын чилиэннэрэ кыттыылаах Федерация Сэбиэтин 2022 с. ахсынньы 23 күнүнээҕи 729 №- дээх уурааҕын соруктарын толорууга былааннаммыт мунньах буолан ааста.

Мунньах саҕаланыыта Алексей Еремеев быйыл бэс ыйыгар РФ Федеральнай Мунньаҕын федеративнай тэриллиилэргэ, эригийиэннээҕи бэлиитикэҕэ, олохтоох салайыныыга уонна Хотугу сир дьыалаларыгар кэмитиэт бэрэссэдээтэлэ Андрей Шевченко салайааччылаах Федерация Сэбиэтин уурааҕын толоруу хаамыытын хонтуруоллуур сыаллаах оробуочай сырыы тэриллэрэ күү­түллэрин иһитиннэрдэ.

Санаттахха, ааспыт сыл ахсынньы ыйы­гар Федерация Сэбиэтигэр Саха Сирин социальнай-экэнэмиичэскэй сайдыытын боппу­руостара көрүллүбүттэрэ. Ол түмүгүнэн Федерация Сэбиэтин 2022 с. ахсынньы 23 күнүнээҕи 729 №-дээх «СӨ социальнай-экэнэмиичэскэй сайдыытын судаарыстыбаннай өйөбүлүн туһунан» уурааҕа тахсыбыта.

Экэниэмикэ миниистирэ Майа Данилова балаһыанньаҕа сөп түбэһиннэрэн уураах пууннарынан былааннамыт үлэлэр толору хаамыытын туһунан иһитиннэрдэ. Ол курдук, СӨ Тырааныспарга уонна суол хаһаайыстыбатын министиэристибэтэ иһитиннэрбитинэн, Өлүөнэ өрүһү туоруур муостаны тутуу туһунан концессионнай сөбүлэһиини түһэрсиллибит. Миниистир Владимир Сивцев Өлүөнэ муостатын бырайыактыыр-сметнэй докумуона экспертизаҕа үөрэтиллэ сылдьарын эттэ. Экспертиза түмүгүнэн тутуу болдьоҕо уонна бүтэһиктээх сыаната быһаарыллыаҕын чопчулаата.

23

Мунньах кыттыылаахтара Дьокуускай куоракка тутуллуохтаах 245 куойкалаах өрөспүүбүлүкэтээҕи инфекционнай балыыһа федеральнай инвестиционнай бырагыраамаҕа киллэрэр туһунан боппуруоһу көтөхтүлэр. Тутуу миниистирэ Павел Кылатчанов билиҥҥитэ судаарыстыбаннай экспертиза бырайыактыыр-сметнэй докумуонунан эбийиэк тутуутун сыаната 6 млрд. солк. суумаҕа бигэргэммитин эттэ. Ону таһынан «Доруобуйа харыстабылын сайыннарыы» судаарыстыбаннай бырагыраамаҕа киллэрэр сыалтан бүддьүөккэ сайаапкалар СӨ доруобуйа харыстабылын министиэристибэтигэр ыытыллыбыттарын иһитиннэрдэ.
СӨ Экэниэмикэҕэ министиэристибэтин отчуотуттан сылыктааан көрдөххө, Ленскэй, Уус-Куйга, Зырянка, Маҕан, Полярнай нэһилиэнньэлээх пууннарга аэропорт тутуута 2024 сылга диэри магистральнай инфраструктураны саҥардыы уонна тутуу былааныгар киллэрии үлэтэ ыытыллар.
Ил Түмэн уонна бырабыыталыстыба чилиэннэрэ салгын тырааныспар ситимин маршрутун кэҥэтиигэ уонна нэһилиэнньэҕэ табыгастаах буолууну хааччыйыыга дьаһаллары хос үбүлүүр боппуруоһу дьүүллэстилэр. Бу сыалтан тырааныспарга министиэристибэ РФ Тырааныспарга министиэристибэтигэр Уһук Илин уокурук састаабыгар уонна Аартыка зонатыгар сытар субъектарыгар федеральнай бүддьүөттэн субсидияны биэриини уонна үллэрии быраабылатыгар ыҥырыы ыыппыттарын туһунан сырдатта.

ХИФУ мэдиссиинэҕэ институтун үөрэтэр-лабараторнай куорпуһун уонна Дьокуускайдааҕы муусукаҕа үрдүкү оскуолатын 240 миэстэлээх үөрэнэр куорпуһун тутуу федеральнай инвестиционнай бырагыраама иһинэн киллэриини көрдүлэр.СӨ Үөрэҕин уонна наукатын миниистирин бастакы солбуйааччы Алевтина Аргунова этэринэн, үөрэтэр-лабораторнай куорпус бырайыактыыр-сметнэй докумуона билигин экспертизаны ааһыахтаах. Түмүгэ бу сыл иккис, эбэтэр үһүс кыбаарталыгар бигэргэнэрэ былааннанар.

Муусукаҕа үрдүкү оскуола үөрэнэр куорпуһун тутуу туһунан этии РФ Култуураҕа министиэристибэтигэр ыытыллыбытын уонна боппуруос дьүүллэһиитэ балаҕан ыйыгар ыытыллыахтааҕын туһунан СӨ Култуураҕа уонна духуобунай сайдыыга миниистир Юрий Куприянов билиһиннэрдэ.
Федерация Сэбиэтин ылыммыт уурааҕар РФ Доруобуйа харыстабылын министиэристибэтигэр 2024 сылга уонна былааннамыт 2025-2026 сс. кэмҥэ Аартыка зонатыгар бастакы сүһүөх мэдэссинэ өҥөтүн босхо оҥоруу уонна уһук сытар сэлиэнньэлээх пууннарга мэдиссиинэ көмөтүн оҥоруу үбүлээһинин туһунан мэктиэлэргэ сөп түбэһиннэрэн, СӨ Бырабыыталыстыбата этиилэри хомуйан киллэрэригэр сүбэлээтилэр. Манна сиэттэрэн, СӨ Доруобуйа харыстабылын миниистирэ Лена Афанасьева тустаах мобильнай биригээдэ тэриллэн, өрөспүүбүлүкэтээҕи уопсастыбаннай доруобуйа уонна мэдиссиинэ киинин састаабыгар киирбитин, ону тэҥэ мобильнай биригээдэтин маршрутнай каарталара оҥоһуллубуттарын, алта мультидисциплинарнай биригээдэ тэриллибиттэрин иһитиннэрдэ.

2024 с. буолуохтаах «Азия оҕолоро» норуот­тар икки ардыларынааҕы успуорт оонньууларын тэрийии уонна ыытыы чэрчитинэн, мунньах кыттыылаахтара Дьокуускай к. икки функциональнай успуорт саалатын хапытаалынай тутуутун федеральнай инвестиционнай бырагыраамаҕа киллэрэр туһунан боппуруоһу үөрэттилэр. СӨ Физическай култуураҕа уонна успуорка миниистир Леонид Спиридонов РФ успуордун миниистирэ Олег Матицын аатыгар сөптөөх докумуоннар хомулланнар, туһааннаах сайаапка барбытын эттэ.
Мунньах түмүгүнэн уураах балаһыанньалара доруобуйа харыстабылын, орто уонна үрдүк үөрэх, энергетика, сибээс лииньийэлэрин тутуу, тырааныспар инфраструктуратын, ол иһигэр аэропорт комплекстарын сайыннарыы уонна олохтоох салгын тырааныспарын ситимин кэҥэтии, ону тэҥэ доруобуйа харыстабылын, экология, ойуур уонна тыа сирин кэлимник сайыннарыы боппуруостарын быһаарыыга туһуланнылар.

Ил Түмэн пресс-сулууспатын матырыйаалынан Василий Тимофеев бэлэмнээтэ

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Балаҕан ыйыгар — быыбар

Биир куоластыыр күн – балаҕан ыйын 8 күнүгэр өрөспүүбүлүкэҕэ 79 быыбардыыр хампаанньа…
15.07.24 10:34