Үлэлиир бөлөх чилиэттэрэ улуус баһылыгын Николай Харбины уонна Саныйахтаах нэһилиэгин баһылыга Роман Габышев «Саханефтегазсбыт» контейнернай автозаправочнай ыстаансыйа тутуллар миэстэтин көрдүлэр.
Олунньу 14 күнүгэр СӨ тыатын хаһаайыстыбатын миниистирэ Александр Атласов салалтатынан оробуочай бөлөх Өлүөхүмэ улууһун Үҥкүр сэлиэнньэтин олохтоохторугар 2022 сыллаах үлэлэрин отчуоттаата. Ону тэҥэ СӨ доруобуйатын харыстабылын миниистирин бастакы солбуйааччы Дмитрий Сергин, территорияны сайыннарыыга улуус баһылыгын солбуйааччы Петр Федоров, улуус салалталарын уонна тэрилтэлэрин салайааччылара көрсүһүүгэ сырыттылар.
СӨ тыатын хаһаайыстыбатын миниистирэ Александр Атласов өрөспүүбүлүкэ, чуолаан Өлүөхүмэ улууһа, 2022 сыл сүрүн хайысхаларга сайдыытын туһунан иһитиннэрдэ.
Бырабыыталыстыба отчуота хамсык кэнниттэн бастакытын очнай көрүҥүнэн ыытылынна. Нэһилиэнньэ маннык таһымнаах көрсүүһүнү күүппүт, нэһилиэк култууратын дьиэтигэр киһи тобус-толору.
Нэһилиэк олохтоохторун кытта көрсүһүү түмүгүнэн тыа хаһаайыстыбатын, доруобуйа харыстабылын, ОДьКХ сайдыытын уонна соцаильнай суолталаах эбийиэктэр тутуутун туһунан боппуруостар киирдилэр. Бөлөх дьонтон киирбит ыйытыыларга үксүлэригэр эппиэттээтилэр, оттон сорохтору салгыы көрөргө кумааҕыга суруттаран ыллылар диэн бөлөх салайааччыта Александр Атласов бэлиэтээтэ.
Олунньу 14 күнүгэр СӨ Үөрэххэ уонна билимҥэ миниистирин бастакы солбуйааччы Михаил Присяжнай бөлөҕө Өлүөхүмэҕэ үлэлээбитэ. Бэрэсидьиэн Владимир Путин «Биир кэлим Россия» баартыйа съеһигэр көҕүлээбит «Модернизация школьных систем образования» бырагырааматынан Амма-Өлүөхүмэ оскуолатыгар хапытаалынай өрөмүөн ыытыллыбыта. Бөлөх үлэ хайдах ыытыллыбытын көрдө.
Олохтоохтор оскуола сүрүн дьиэтин өрөмүөнүгэр көмөлөспүттэригэр махтаннылар. Ону сэргэ, алын сүһүөх кылаастар үөрэнэр оскуолаларыгар өрөмүөн наадатын эттилэр. Учууталлар тиийбэттэрэ биир кыһалҕаҕа кубулуйбут. Онуоха олохтоохтор үрдүк үөрэх кыһатын бүтэрээччилэри улуустарга анааһын үгэһин сөргүтэргэ, «Тыа сирин учуутала» бырагыраама кыттаачыларын ахсаанын элбэтэргэ эттилэр. Михаил Юрьевич бу бырагыраама суотугар олохтоох каадырдары үүннэрэргэ сүбэлээтэ.
Улууска иккис күнүн үлэлиир СӨ Үп миниистирин бастакы солбуйаачы Иван Алексеев бөлөҕө бу күн Мархаҕа, Урицкайга, Хороҕо үлэлээтэ. Олунньу 15 күнүгэр кинилэр ыраах сытар Куду Күөл, Тээнэ, Бэс Күөл, Токко олохтоохторугар отчуоттааттылар.
Источник: «Саха» НКИХ
-
0
-
0
-
0
-
0
-
0
-
0
