- Талааннаах эдэр учууталлар, бастыҥ уопуттаах ытык сүбэһиттэр айымньылаах үлэлэрин, кыахтарын өрөспүүбүлүкэбит үөрэххэ политикатын олоххо киллэриигэ көҕүлүүр, өйүүр, сайдалларыгар кыаҕы биэрэр сыаллаах-соруктаах «Я и мой наставник» үһүс ѳрѳспүүбүлүкэтээҕи профессиональнай күрэх кыттыылаахтарын тус бэйэм ааппыттан эҕэрдэлиибин! Биһиги Ньурбабытыгар төрүттэммит, бу үһүс төгүлүн ыытыллар, сылтан сыл аайы таһыма үрдээн иһэр профессиональнай күрэхтэн куорсун анньынан тахсыбыт учууталлар ѳрѳспүүбүлүкэбит араас улуустарыгар үөрэх сайдыытыгар кылааттарын киллэрсэ, айа –тута сылдьалларынан биһиги киэн туттабыт.
Билии күүһэ урут да, билигин да сайдыыны салайар сүрүн хайысха буолар, оттон учууталга убаастабыл — уопсастыбабыт сүрүнэ. Өрөспүүбүлүкэбитигэр Россияҕа биллэриллибит Педагог уонна уhуйааччы Сылын былаана бигэргэммитэ. Бастатан туран, педагог быраабыгар өрөспүүбүлүкэ сокуона ылыллыаҕа, «Земский мастер» бырагыраама оҥоһуллуоҕа. Ил Дархан көҕүлээһининэн, орто педагогическай үөрэх тэрилтэлэрин капитальнай өрөмүөнүгэр уонна саҥардыыга бырагыраама үлэлиэҕэ. Ил Дархан өрөспүүбүлүкэ бастыҥ педагогтарыгар уонна уhуйааччыларыгар 100-түү тыһ. солк бириэмийэ олохтонорун иһитиннэрбитэ. Кыайыылаахтары муниципалитеттар олохтоохторо бэйэлэрэ быһаараллар. Кинилэр ааттара балаҕан ыйыгар учуутал күнүгэр биллиэҕэ.
Учуутал диэн тылга дириҥ өйдөбүл, сырдык ыра, олоххо ситиһии барыта түмүллэр. Учуутал – үтүөнү, кэрэни, билиини эрэ тарҕатааччы. Бүгүҥҥү учуутал үөрэҕэ дириҥ, ыыра киэҥ. Дойдуга буолар араас уларыйыыларга имигэстик киирсэн, оҕо олоххо бары өттүттэн бэлэмнээх буоларын ситиһэргэ туох баар билиитин уурара наада. Ону ситиһэн иһии олох ирдэбилэ буолла.
Баҕарабын барыгытыгар чөл, чэгиэн туруктаах буолууну! Аныгылыы өйдөөх-санаалаах, араас сана технологиялары дэгиттэрдик баһылаан иитэр-үөрэтэр үлэҕитигэр үрдүк ситиһиилэри! Республикабыт, дойдубут сарсыҥҥы күнэ сырдык, бигэ туруктаах буоларын туһугар бары күүспүтүн-кыахпытын ууран салгыы үлэлиэҕиҥ!
Эҕэрдэ тылын күрэх кыттыылаахтарыгар Саха Ѳрѳспүүбүлүкэтин Судаарыстыбаннай Мунньаҕын Бэрэссэдээтэлэ Алексей Еремеев эттэ.
Тэрээhиңңэ Ил Түмэн судаарыстыбаннай тутулга уонна олохтоох бэйэни салайыныыга сис кэмитиэтин бэрэссэдээтэлэ Владимир Прокопьев, РФ профессиональнай үѳрэхтээhинин бочуоттаах үлэhитэ, СѲ үтүѳлээх тутааччыта Юрий Буслаев, Ньурба оройуонун баhылыгын I солбуйааччыта Николай Бурнашев, дьокутааттар орйоуоннааҕы Сэбиэттэрин бэрэссэдээтэлэ Сергей Евсеев уо.д.а кытыннылар.
-
1
-
0
-
0
-
0
-
0
-
0
