Бэрэсидьиэн этиитин Украинаҕа буола турар анал байыаннай эпэрээссийэттэн саҕалаата уонна ол тиэмэнэн түмүктээтэ. Буола турар быһыыга-майгыга дойдубут иһигэр, дойдубут туһугар үлэлээтэхпитинэ, хас биирдиибит кылааппытын киллэрдэхпитинэ эрэ ситиһии кэлиэхтээҕин тоһоҕолоото. Аан дойду үрдүнэн сайдыыбыт Азияны кытта ситимнээҕин өссө төгүл бигэргэттэ. Америка уонна Арҕаа Европа адьас эрдэттэн саҕалаабыт «үлэлэрин» түмүгэр бу байыаннай дьайыы саҕаламмытын бары да өйдүүбүт. Бэрэсидьиэн сэрэттэ: төһөнөн ырааҕы ытар сэп-сэбиргэл Украинаҕа киллэриллэр да, соччонон куттал суоһуур кыраныыссатын биһиги тэйитэн иһиэхпит диэн.
Экэниэмикэ сайдыытыгар Анал этиигэ улахан кэрчик ананна. Арассыыйа бары эрэгийиэннэрэ, ол иһигэр саҥа киирбит түөрт эрэгийиэн, биир тэҥник сайдыылара мэктиэлэнэр, үбүлээһин элбэх хайысхаҕа улаатыаҕа, социальнай эбэһээтэлистибэлэр салгыы үлэлиэхтэрэ. Анал байыаннай эпэрээссийэ кыттыылаахтарыгар уонна кинилэр дьиэ кэргэттэригэр бары өртүнэн көмөлөһөр сыаллаах Анал судаарыстыбаннай пуонда тэриллэр буолбутун сэргии иһиттим. Уопсайынан, киһи өйүгэр баппат сааҥсыйалар кэмнэригэр биллэрдик оҕустарбатахпыт, өссө кэккэ хайысхаларга саҥа саҕалааһыннар, ситиһиилэр бааллар.
-
5
-
0
-
0
-
0
-
0
-
2
