«Саха Өрөспүүбүлүкэтигэр гражданскай оборона туһунан» Саха Өрөспүүбүлүкэтин Сокуонун 3 ыстатыйатыгар уларытыы киллэрэр туһунан» Саха Өрөспүүбүлүкэтин сокуонун барыла «Гражданскай оборона туһунан» Федеральнай сокуоҥҥа уларытыы киллэрэр туһунан» 2022 сыл ахсынньы 4 күнүнээҕи 417-ФС №-дээх Федеральнай сокуоҥҥа, «Дьону-сэргэни уонна сири-уоту айылҕа быһылааныттан уонна техногеннай майгыннаах ыксаллаах быһыыттан-майгыттан көмүскээһин туһунан» Федеральнай сокуон 1 уонна 14 ыстатыйаларыгар сөп түбэһиннэрэн ырытан оҥоһулунна.
Барыл гражданскай оборона дьаһалларын көдьүүстээхтик толорууну үрдэтэр уонна дьону-сэргэни биллэрэр тиһиги оҥоруу бэрээдэгин олохтооһуҥҥа, саҥалыы уларытан оҥорууга уонна туһаныыга мэлдьи бэлэм буолар турукка тутууга туһуланан оҥоһулунна.
Гражданскай оборона биир соругунан байыаннай атааннаһыыттан эбэтэр ол атааннаһыы содулуттан үөскүүр куттал туһунан, итиэннэ айылҕа быһылааныгар уонна техногеннай майгыннаах ыксаллаах быһыыга-майгыга дьону-сэргэни биллэрии буолар. Ол гынан баран, дьону-сэргэни биллэрэр тиһиги оҥорууну тэрийии бэрээдэгэ туттулла сылдьар нуормалыыр аактарынан олохтоммотох.
Итинэн төрүөттэнэн, сокуон барыла дьону-сэргэни биллэрэр тиһиги оҥорууга, саҥалыы уларытан оҥорууга уонна ону туһаныыга мэлдьи бэлэм буолар турукка тутууга, итиэннэ дьону-сэргэни кэмигэр биллэриини тэрийиигэ Саха Өрөспүүбүлүкэтин судаарыстыбаннай былааһын толорор уорганын уонна олохтоох салайыныы уорганын боломуочуйаларын чопчулааһын өттүнэн уларытыылары киллэриини көрөр.
Сокуон барылын ылыныы дьону-сэргэни биллэрэр тиһиги кэмигэр тэрийиигэ, итиэннэ байыаннай атааннаһыыттан эбэтэр ол атааннаһыы содулуттан үөскүүр куттал туһунан, айылҕа быһылаанын уонна техногеннай майгыннаах ыксаллаах быһыыга-майгыга дьону-сэргэни биллэриигэ туһуламмыт үлэ биир сүрүннээх уонна көдьүүстээх буоларыгар кыах биэрэр.
Ил Түмэн экэниэмикэ, инбэстииссийэ уонна бырамыысыланнас бэлиитикэтигэр сис кэмитиэтин бэрэссэдээтэлэ Павел Петров иһитиннэрбитинэн, кэмитиэт бу барылы мунньаҕар дьүүллэһэн, иккис ааҕыыга ылынарга быһаарыы ылыммыта.
Сокуон иккис (бүтэһик) ааҕыыга ылылынна.
-
0
-
0
-
0
-
0
-
0
-
0
