Издательский дом Редакция Подписка
Погода в Якутске: . -14 oC

СѲ Бырабыыталыстыбатын Бэрэссэдээтэлин солбуйааччыта М.В. Никифоров салайааччылаах оробуочай бѳлѳх Ньурба улууhугар, бары нэhилиэктэри уонна Ньурба к. хабан туран, олунньу 26-28 күннэригэр СѲ ситэриилээх былааhын уорганнарын 2022 с. үлэтин отчуотаата.

СѲ Бырабыыталыстыбатын Бэрэссэдээтэлин солбуйааччыта М.В. Никифоров салайааччылаах оробуочай бѳлѳх Ньурба улууhугар, бары нэhилиэктэри уонна Ньурба к. хабан туран, олунньу 26-28 күннэригэр СѲ ситэриилээх былааhын уорганнарын 2022 с. үлэтин отчуотаата.

Олохтоохтор отчуот мунньахтарыгар кѳхтѳѳхтүк кытыннылар диэн улуус дьаhалтатын пресс-сулууспата иhитиннэрэр. Нэhилиэнньэни бастатан туран уотунан хааччыйыы, электрическэй уонна киин ититиигэ холбонуу, муниципальнай суоллары ѳрѳмүѳннээhин, Куоначчаан үрэҕин муостатын тутуу, Ростелеком интэриниэккэ уонна Айпи-ТВ үрдүк тарыыптара, кэккэ социальнай эбийиэктэри тутууну түргэтэтии боппуруостара, итиэннэ тыа хаhаайыстыбатын, сири нүѳлсүтүү, нэhилиэктэри уунан хааччыйыы уо.д.а. долгуталлар.

1677592240180

Олунньу 28 күнүгэр Бырабыыталыстыба оробуочай бѳлѳҕүн түмүктүүр мунньаҕа Ньурба тыйаатырын саңа дьиэтигэр үс чаастан ордук салҕанан барда. Ньурба куорат олохтоохторо уотунан хааччыйыыга, тырааныспар логистикатыгар, суол хаhаайыстыбатыгар, гаастааhыңңа, «Березовка» мкр. уотунан хааччыйыыга, «Молодежнай» уонна «Вертолетка» мкр. киин ититиигэ кѳhѳрүүгэ, Ньурба техникумун, Убайаан оскуолатын, техлицей интэринээтин дьиэлэрин, КОС тутууларыгар, сыбаалка рекультивациятыгар, Ньурба аэропордугар сѳмѳлүѳт кѳтѳр, түhэр балаhатын тутууга, оройуоннааҕы поликлиникаҕа специалистар тиийбэттэрин кыhалҕатыгар уо.д.а. сыhыаннаах ыйытыылары биэрдилэр.

Бары ыйытыыларга толору эппиэттэр бэрилиннилэр. СѲ ОДьКх уонна эниэргиэтикэ миниистирэ В. Емельянов эппитинэн, бу сылга «Сунтаар-Мииринэй» 110 кВ-ВЛ тутуутун саҕалыырга 450 мѳл. солк. кѳрүллүбүт, тутуу 2025 с. түмүктэниэҕэ, «Якутскэнерго» ПАУо уотунан хааччыйыы комплекснай бырагырааматынан эмиэ быйыл уот ситимнэрин хаhаайыстыбатын модернизациялааhын үлэтин саҕалыаҕа. Ньурба аэропордугар сѳмѳлүѳт кѳтѳр, түhэр балаhатын тутуу боппуруоhа федеральнай таhымңа быhаарыллар, 2,9 млрд солк. үп кѳрүллүбүт эбийиэгин реконструкциялааhын болдьоҕун 2023-2024 сс. чугаhатар сорук турар.

КОС уонна Убайаан оскуолата 2024 с. уонна 2026 с. үлэҕэ киириэхтэрэ. Сыбаалка рекультивациятын бырайыага экспертиза стадиятыгар сылдьар, үбү булууга Арассыыйатааҕы экологическай операторы кытта үлэ ыытыллар.

Бары нэhилиэнньэлээх пууннарга Бырабыыталыстыба отчуотун биhирээтилэр, эhиил отчуоттуур бѳлѳх эмиэ бу састаабынан кэлэригэр баҕа санаа кытта этилиннэ.

IMG 20230301 073034 693

IMG 20230301 073016 449

Ону тэңэ Бырабыыталыстыба бөлөҕө тустаах тэрилтэ салайааччыларын кытары көрүстэ. СѲ Бырабыыталыстыбатын Бэрэссэдээтэлин солбуйааччыта Михаил Викторович Никифоров нэһилиэк баһылыктарыгар Ньурба улууһугар ыытыллыахтаах Спортивнай оонньуулары көрсө тэринэллэригэр, тыа хаһаайыстыбатын эйгэтигэр хайдах дьаһанан үлэлииллэригэр сүбэ-ама биэрдэ, ветеринарнай сулууспаларга төһө кыах баарынан көмөлөһүҥ диэн ыҥырда.

IMG 20230301 094513 057

Баһылыктар ордук чуолаан квартальнай хочуолунайдары тутуу боппуруостарын ыйыталастылар. Маны тэҥэ акцизтан киирэр харчы бырыһыана олус кыратынан сибээстээн хаттаан көрөллөрүгэр көрдөстүлэр. Кыра даҕаны эбиискэ нэһилиэктэр суолларын оҥорууга улахан көмө буолуо этэ диэн санааларын тиэртилэр.

Эһиил Ньурба (Марха) улууһа төрүттэммитэ 200 сылын бэлиэтиир тэрээһиннэргэ хамыыһыйа бэрэссэдээтэлинэн буоларга Михаил Викторович көрдөһүүнү ылынан, сөбүлэҥин биэрдэ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23