Издательский дом Редакция Подписка
Погода в Якутске: . -12 oC

Муус устар 25 күнүгэр Москубаҕа Госдума спикерин солбуйааччы Ирина Яровая уонна Федерация Сэбиэтин Бэрэссэдээтэлин бастакы солбуйааччы Андрей Яцкин салайыыларынан сокуону оҥорооччулар сэбиэттэрин Президиумугар мэдиссиинэ көмөтүн хаачыстыбатын уонна «Профессионалитет» федеральнай бырайыагы олоххо киллэрии боппуруостарын көрдүлэр.

Муус устар 25 күнүгэр Москубаҕа Госдума спикерин солбуйааччы Ирина Яровая уонна Федерация Сэбиэтин Бэрэссэдээтэлин бастакы солбуйааччы Андрей Яцкин салайыыларынан сокуону оҥорооччулар сэбиэттэрин Президиумугар мэдиссиинэ көмөтүн хаачыстыбатын уонна «Профессионалитет» федеральнай бырайыагы олоххо киллэрии боппуруостарын көрдүлэр.

Мунньах чэрчитинэн эрэгийиэннэринэн олоххо киирэр «Работа в России» уонна «Поступление в ВУЗ онлайн цифровой платформалары туһаныы» диэн тус сыаллаах судаарыстыбаннай бырагырааманы дьүүллэстилэр.

Муус устар 26 күнүгэр Санкт-Петербурга сокуону оҥорооччулар хамыыһыйатын мунньаҕар Ил Түмэн Бэрэссэдээтэлэ, Федерация Сэбиэтин иһинэн бүддьүөттэр икки ардыларынааҕы сыһыаннаһыы[1]лар уонна нолуок боппуруостарыгар хамыыһыйа чилиэнэ Алексей Еремеев тулаайах уонна көрүүтэ-истиитэ суох хаалбыт оҕолору дьиэнэн хааччыйыыга дойду субъектарын боломуочуйаларын үп-харчы өттүнэн хааччыллыыларын туһунан дакылааты оҥордо.

Муус устар 28 күнүгэр Санкт-Петербург Таврическай дыбарыаһыгар Госдума спикерэ Вячеслав Володин уонна Федерация Сэбиэтин бэрэссэдээтэлэ Валентина Матвиенко салайааччылаах сокуону оҥорооччулар сэбиэттэрин мунньаҕа ыытыллынна. Сэбиэт чилиэннэрэ дойду Бэрэсидьиэнэ Владимир Путин Федерация Мунньаҕар туһаайан этиитин чэрчитинэн, анал байыаннай эпэрээссийэ кыттыылаахтарыгар уонна дьиэ кэргэттэригэр социальнай өйөбүллэр боппуруостарын, ону тэҥэ бүддьүөттэр икки ардыларынааҕы сыһыаннаһыылар туруктарын, эрэгийиэннэр үп-харчы өттүнэн туруктаах буолууларын, социальнай-экэнэмиичэскэй сайдыыларын хааччыллыытын дьүүллэстилэр.

Мунньахха доруобуйа харыстабылын миниистирэ Михаил Мурашко, үөрэхтээһин миниистирэ Сергей Кравцов, билим уонна үрдүк үөрэх миниистирэ Валерий Кравцов, үлэҕэ уонна социальнай көмүскэлгэ миниистир Антон Котяков уонна үп миниистирэ Антон Силуанов кыттыыны ыллылар. Сокуону оҥорооччулар сэбиэттэрин састаабыгар Федеральнай Мунньах балааталарын салайааччылар, кинилэр солбуйааччылара, туһааннаах кэмитиэттэр бэрэссэдээтэллэрэ, дойду субъектарын сокуону оҥорор уорганнарын салайааччылара киирэллэр.

Источник: duma.gov.ru

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением