Издательский дом Редакция Подписка
Погода в Якутске: . -11 oC

Госдума судаарыстыбаннай тутууга уонна сокуону оҥорууга кэмитиэтэ дойду Төрүт сокуонун саҥалыы балаһыанньаларын толорууга бэлэмнэммит публичнай былаас туһунан саҥа сокуон бырайыагын өйөөтө уонна бастакы ааҕыыга киллэрэргэ биһирээтэ.

Госдума судаарыстыбаннай тутууга уонна сокуону оҥорууга кэмитиэтэ дойду Төрүт сокуонун саҥалыы балаһыанньаларын толорууга бэлэмнэммит публичнай былаас туһунан саҥа сокуон бырайыагын өйөөтө уонна бастакы ааҕыыга киллэрэргэ биһирээтэ.

Федерация Сэбиэтин спикера Андрей Клишас уонна Госдума дьокутаата Павел Крашенинников балаҕан ыйыгар Госдума көрүүтүгэр эрэгийэннэринэн публичнай былаас уорганнарын тэрийиигэ туһуламмыт 1256381-7-с №-дээх «РФ субъектарыгар публичнай былааһы тэрийии уопсай бириинсиптэрин туһунан» сокуон барылын киллэрбиттэрэ. Сокуон барылын хос быһаарыынан, сокуон сүрүн балаһыанньаларын дойду Төрүт сокуонунан ылыныллыбыт уларытыыларыгар уонна эбиилэригэр сөп түбэһиннэрии буолар.

Андрей Клишас уонна Павел Крашенинников киллэрбит сокуоннарын барыла, чахчы, публичнай былаас биир ситимнээх систиэмэтин, дойду Төрүт сокуонун балаһыанньатыгар олоҕуран, олоххо киллэриигэ туһуланар. Чуолаан Төрүт сокуон 132-с ыстатыйатыгар эбиилэри киллэриигэ этиллэринэн, олохтоох салайыныы уонна судаарыстыбаннай былаас уорганнара биир кэлим тиһиккэ киирэллэригэр тиэрдэр, ол эбэтэр былаас биир бириинсибинэн ситимнээхтик үлэлиэхтээх.

S4HmE7FE4rw6zuMdXJ49cwAKCW696Lt5

Сокуон барылыгар эрэгийиэн үрдүкү дуоһунастаах сирэйин, эрэгийиэн дьокутааттарын үлэлэрин, сокуон бырассыастарын оптимизациялааһын, о.д.а. боппуруостар таарыллыбыттар. Эрэгийиэннэртэн киирбит этиилэр Госдумаҕа сокуон барылын  иккис ааҕыыга көрүллүөхтэрэ.

Сокуон барылын сүрүн уларыйыылара:

- Эрэгийиэннэринэн «үрдүк дуоһунастаахтар» «баһылык» буолаллар. Ити таһынан, дойду судаарыстыбатын баһылыгын дуоһунаһынан ааттанар көҥүллэммэт.  Чуолаан, «Бэрэсидьиэн» диэн тыл уонна холбоһук эрэгийиэн баһылыгын дуоһунаһыгар туттуллуо суохтаах. Павел Крашенинников маннык хааччах  федеральнай сокуонунан 2011 сылтан баарын санатар.

- Олохтоох былаас биир тиһиккэ киирэрин учуоттаан, эрэгийиэн Баһылыгын эппиэтинэһэ уларыйар.  РФ Бэрэсидьиэнин этиитинэн, эрэгийиэн Баһылыга дуоһунаһыттан уһуллуон сөп, ол иһигэр судаарыстыба баһылыгын «итэҕэлин сүтэрбитинэн» сибээстээн. Ону таһынан Бэрэсидьиэн эрэгийиэн Баһылыгар атын миэрэлэри туһанарга бырааптанар: сэрэтии, буруйдааһын, о.д.а.

- Публичнай былаас туруктаах буолуутун хааччыйар сыалтан эрэгийиэн Баһылыгын сокуону таһаарар уорганын боломуочуйаларын 5 сылга болдьохтонор. Билигин кинилэр боломуочуйаларын болдьохторун эрэгийиэн бэйэтэ быһаарар уонна биэс сылтан ордук уһатыллыбат.

- Сокуон барылынан, эрэгийиэн дьокутааттара РФ субъегын госсулууспа дуоһунастарын солбуйаллар. Ону таһынан Госдума уонна муниципальнай тэриллии дьокутааттарын эппиэтинэстэригэр тэҥнии, эрэгийиэн парламенын дьокутаттарыгар  дуоһунаһыттан босхолооһун, сэрэтии курдук эппиэтинэстэри көрүллэрэ этиллэр.

- Сокуон бырассыаһын оптимизациялыырга федеральнай сокуоннар барылларын Госдума эрэгийэннэринэн ыытыы болдьоҕун кылгатыы: бастакы ааҕыыга 15 хонукка (билигин 30 хонук), көннөрүүлэргэ 15 күҥҥэ (билигин 30 күн) диэри этиллэр.

Докумуону иккис ааҕыыга  уобалас састаабыгар киирэр эрэгийиэннэр аптаныамыйалаах уокуруктар бырааптарын статустарын таарыйар этиилэрэ эмиэ  учуоттаныахтара.

Санатар буоллахха,  Ил Түмэн судаарыстыбаннай тутууга уонна сокуону оҥорууга сис кэмитиэтэ бу сокуон барылын пленарнай мунньахха дьүүллэһэн баран ылыммыта уонна Госдумаҕа киирбит этиилэринэн сыанабылын ыыппыта.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23