Тэрээһини сис кэмититэт бэрэссэдээтэлэ Михаил Гуляев салайан ыытта. Сүбэ мунньах кыттыылаахтара «Азия оҕолоро» успуорт оонньууларын бырагырааматыгар дуобаты киллэрэр этиини өйүүллэрин биллэрдилэр.
Норуот дьокутаата Михаил Гуляев оонньуу бырагырааматыгар дуобаты киллэрэргэ атын ньыма булуллуохтааҕа наадатын бэлиэтээтэ.
- Тоҕус дойду бу көрүҥҥэ күрэхтэһэргэ бэлэмнэрин бигэргэттилэр. Дуобат өссө бастакы оонньуулар бырагыраамаларыгар киирэр этэ. Онон булгуччу төнүннэриэххэ наада, - диэтэ парламентарий. Мунньах түмүгүнэн Ил Түмэн Бэрэссэдээтэлэ Алексей Еремеев уонна «Азия оҕолоро» норуоттар икки ардыларынааҕы успуорт оонньууларын сис кэмитиэтин Бэрэсидьиэнэ Владимир Максимов ааттарыттан 2024 сылга ыытыллар «Азия оҕолоро» норуоттар икки ардыларынааҕы успуорт оонньууларыгар дуобат көрүҥүн киллэриини өйүүргэ Ил Дархан Айсен Николаевка көрдөһүү сурук ыытарга быһаарыы ылылынна.
- 1
- 0
- 0
- 0
- 0
- 1