Социальнай ситимнэргэ уонна сорох интэриниэт-сайтарга Украина сэбилэниилээх күүстэригэр сириэстибэлэри хомуйаллар, ол эрээри маннык сайтары билигин суут быhаарыытынан эрэ блокировкалыахха сѳп.
Дьокутааттар бу ресурсалары суута суох блокировкалыырга этии киллэрдилэр. Сѳп түбэhэр сокуон бырайыагын Госдума информационнай бэлиитикэҕэ, информационнай технологияларга уонна сибээскэ Кэмитиэтэ бастакы ааҕыыга ылынарга рекомендациялаата. Иккис ааҕыыга кѳннѳрүү киллэриллиэн сѳп, онон ВСУга матырыйаалынай-тиэхиниичэскэй, консультационнай уонна атын кѳмѳнү оҥорорго ыҥырар сайтар блокировкаланыахтара.
Докумуон ГД куттал суох буолуутугар уонна коррупцияны утары охсуhар Кэмитиэтин бэрэссэдээтэлэ Василий Пискарев баhылыктаах дьокутааттар бѳлѳхтѳрүнэн бэлэмнэннэ.
Оттон информационнай бэлиитикэҕэ Кэмитиэтэ Роскомнадзорга ВСУга матырыйаалынай-тиэхиниичэскэй, консультационнай уонна атын кѳмѳнү оҥорорго ыҥырар сайтары блокировкалыыр кыаҕы биэрэр кѳннѳрүүнү бэлэмниир.
Ону таhынан, кэмитиэт баhылыга Александр Хинштейн ѳстѳѳҕү үбүлүүргэ харчы сириэстибэлэрин хомуйар физическэй сирэйдэр уонна хампаанньалар счеттарыгар баан переводтарыгар сокуонунан хааччахтааhыны туруорарга этэр.
Хаартыскалар аhаҕас источниктан ылылыннылар.
-
0
-
0
-
0
-
0
-
0
-
0
