Анал байыаннай дьайыы бэтэрээннэрин үлэҕэ ылбыт аччыгый уонна орто тэрилтэлэр социальнай статустаныахтарын сѳп буолуоҕа. Онон кинилэр чэпчэтиилээх кирэдьииттэргэ, граннарга уонна арендаҕа киирсэр кыахтаныахтара.
Федерация Сэбиэтин бастакы вице-спикерэ Андрей Турчагынан уонна экэнэмиичэскэй бэлиитикэҕэ эрэгийэннэр балааталарын Кэмитиэтин бэрэссэдээтэлэ Андрей Кутеповынан оҥоhуллубут маннык сокуон бырайыагын Госдуума балаҕан ыйын 27 күнүгэр бастакы ааҕыыга ылынна.
Госдуума спикерэ Вячеслав Володин: «Бу быhаарыы анал байыаннай дьайыы кыттыылааҕын үлэҕэ ылбыт тэрилтэҕэ барыстаах буолуоҕа. Урбаанньыттарга ѳйѳбүл оҥоhуллуоҕа, биисинэстэрин сайыннаралларыгар эбии усулуобуйалар баар буолуохтара. Биhиги саллааттарбыт уонна эписиэрдэрбит фронтан тѳннѳллѳрүгэр, сѳптѳѳх үлэни булан, дьиэ кэргэннэрин хааччыйар кыахтаналларыгар эрэллээх буолуохтаахтар», - диэн бэлиэтээтэ.
Хаартыска аhаҕас источниктан ылылынна.
-
0
-
0
-
0
-
0
-
0
-
0
