Издательский дом Редакция Подписка
Погода в Якутске: . 14 oC

Муус устар 21 күнүгэр Ил Түмэҥҥэ Зинаида Архипова «Руслан Федотов: Дьылҕа кирбиилэрэ» кинигэтин сүрэхтэниитэ буолла.

Муус устар 21 күнүгэр Ил Түмэҥҥэ Зинаида Архипова «Руслан Федотов: Дьылҕа кирбиилэрэ» кинигэтин сүрэхтэниитэ буолла.

Үөрүүлээх тэрээһини Саха Өрөспүүбүлүкэтин Ил Түмэнин сир сыһыаннаһыыларыгар, айылҕа баайыгар уонна экологияҕа сис кэмитиэтин бэрэссэдээтэлэ Сахамин Афанасьев салайан ыытта. Кинигэ сүрэхтэниитигэр Руслан Еремеевич аймах-билэ дьоно, доҕотторо, кэллиэгэлэрэ кыттыыны ыллылар.

«Руслан Федотов: Дьылҕа кирбиилэрэ» кинигэҕэ Саха Өрөспүүбүлүкэтин бар дьонун дьокутаатын, урбаанньыт, мэссэнээт, СӨ норуотун хаһаайыстыбатын үтүөлээх үлэһитин, Амма, Мэҥэ Хаҥалас улуустарын ытык киһитин Руслан Федотов олоҕун туһунан кэпсэнэр.

KVA 9828

Кинигэ ааптара, Россия суруйааччыларын сойууһун чилиэнэ, «Алта» издательство салайааччыта Зинаида Архипова айымньы туһунан кылгастык билиһиннэрдэ. «Бу кинигэҕэ Руслан Еремеевич төрөөбүт дойдутугар муҥура суох бэриниилээх киһи быһыытынан уобараһа арылларын ситиспиппит. Кини 90-с сылларга ырыынак сыһыаннаһыыларыгар киириигэ биир бастакынан урбаанынан дьарыктаммыт уонна уһулуччу ситиһиилээх киһи буолар. Бу ситиһиигэ кини төрөөбүт дойдутугар таптала, сиргэ-уокка бигэтик турара улахан оруолу оонньообута», – диэтэ Зинаида Архипова.

Кинигэ ааптара Зинаида Архипова, кинигэ дьоруойа Руслан Федотов үөрүүлээх быһыыга-майгыга кинигэ кыһыл лиэнтэтин быстылар.

KVA 9990

Саха Өрөспүүбүлүкэтин норуотун дьокутаата Руслан Федотов, Саха сирин суруйааччыларын ассоциациятын бэрэссэдээтэлэ Олег Сидоров, «Алта» издательство салайааччыта Зинаида Архипова Оҕо сахалыы литературатын өттүгэр литература бириэмийэтин олохтуур туһунан сөбүлэһиигэ илии баттаатылар.

KVA 0151

Саха Өрөспүүбүлүкэтин Ил Түмэнин Бэрэссэдээтэлэ Алексей Еремеев Руслан Еремеевич урбаанньыт быһыытынан үлэтин үрдүктүк сыаналаата уонна норуотугар сүрдээх улахан дьыаланы оҥоро сылдьарын бэлиэтээтэ. «Оскуолаларга, оҕо уһуйааннарыгар, колледжтарга, элбэх киһиэхэ көмөлөһөҕүн. Амманан эрэ муҥурдаммакка, бүтүн Саха сирин дьонугар-сэргэтигэр бүтүннүүтүгэр көмөнү оҥоро сылдьаҕын. Эн үлэҕин дьон сыаналыыра олус үчүгэй. Доруобуйаҥ кытаанах буоллун, дьиэ кэргэҥҥэр барыта этэҥҥэ буоллун, үлэҥ-хамнаһыҥ таһаарыылаах буоллун, дьон убаастабыла куруутун эйигинниин аргыстаһа сырыттын», – диэн баҕа санаатын эттэ Ил Түмэн Бэрэссэдээтэлэ.

KVA 9891

Алексей Еремеев Ил Түмэн Бэрэссэдээтэлин махтал суругун Руслан Федотовка туттарда.

Руслан Федотов кинигэҕэ олоҕун туһунан чахчылар хайдах баарынан – үчүгэй үчүгэйинэн, куһаҕан куһаҕанынан тиһиллэн таҕыстылар диэн эттэ уонна Ил Түмэҥҥэ бииргэ үлэлэспит дьонугар махтанна. «Сахамин Миланович, күүс-көмө буолбуккар эйиэхэ улахан махтал! Сахабыт сирин айылҕатын харыстааһыҥҥа, чуолаан Амма айылҕатын уонна көтөрүн-сүүрэрин баһаартан харыстааһыҥҥа бары бииргэ сүрдээх таһаарыылаахтык үлэлээтибит. Барыгытыгар ситиһиилээх үлэни, доруобуйаны, ыраас халлааны баҕарабын!»

Руслан Федотов «Дьылҕа кирбиилэрэ» кинигэни таһаарыыга сатабыллаах уонна эппиэтинэстээх сыһыаннарын иһин кинигэ ааптарыгар Зинаида Архиповаҕа, кинигэ эрэдээктэригэр Мария Захароваҕа, бырайыак салайааччытыгар Аграфена Матвееваҕа, «Кэскил» издательство сүрүн эрэдээктэригэр Сардаана Матвееваҕа махталлары туттарда.

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

4213 сайабылыанньа киирдэ

Халаан уутуттан эмсэҕэлээбит Нам, Өлүөхүмэ, Ньурба улуустарыттан 4000-тан тахса киһи…
27.05.24 17:15