Тохсунньу 15 күнүгэр ыытыллыбыт социальнай ситиминэн быһа биэриигэ Айсен Николаев «Биэс уонна онтон элбэх саастарын ситэ илик оҕолоох ыаллары олорор дьиэнэн хааччыйыы» бырагыраамата быйыл салгыы үлэлиирин туһунан иһитиннэрдэ.
– Быйыл бу хайысханан өрөспүүбүлүкэ бүддьүөтүгэр 200 мөлүйүөн солкуобай харчы көрүлүннэ, – диэтэ итиэннэ бырагырааманы олоххо киллэрии хаамыыта кинини астыннарбатын эттэ.
Санатан эттэххэ, биэс уонна онтон элбэх саастарын ситэ илик оҕолоох ыаллар олорор дьиэ тутталларыгар биитэр атыылаһалларыгар биир кэмнээх социальнай төлөбүрү көрөр бырагыраама Саха Өрөспүүбүлүкэтигэр 2012 сыллаахтан үлэлиир. Билигин уочаракка 1800 дьиэ кэргэн турар диэн Ил Дархан уонна Бырабыыталыстыба даһалтатын пресс-киинэ биллэрэр.
-
0
-
0
-
0
-
0
-
0
-
0
