Издательский дом Редакция Подписка
Погода в Якутске: . 10 oC

Ил Түмэн дьокутаата, «Ил Түмэн» издательскай дьиэтин генеральнай дириэктэрэ-кылаабынай эрэдээктэрэ Мария Христофорова:

Ил Түмэн дьокутаата, «Ил Түмэн» издательскай дьиэтин генеральнай дириэктэрэ-кылаабынай эрэдээктэрэ Мария Христофорова:

- Ахсынньы  19 күнүгэр Ил Дархаммыт Ил Түмэҥҥэ Илдьитин эттэ. Айсен Сергеевич сүрүн этиитэ сылтан сыл ис хоһооно кэҥээн, суолтата дириҥээн иһэр. Ол курдук, 1 ч. 22 мүн. устата этиллибити барытын биир тыынынан иһиттибит. Дойдуга да, Сахабыт Сиригэр да буолбут үөрүүлээх, хомолтолоох түгэннэр бары таарылыннылар. Айсен Сергеевич Сахабыт Сиригэр сыһыаннаах биир даҕаны кыһалҕаны тумнубат идэлээх. Холобур, билигин анал байыаннай дьайыыга кытта сылдьар хоһууннарбытыгар, кинилэр дьиэ кэргэттэригэр көмө барыта кини толкуйунан, сорудаҕынан, өйөйбүлүнэн оҥоһулла турар. Ону бары көрө-истэ, билэ сылдьабыт. Ол да иһин өрөспүүбүлүкэбитин атын эрэгийиэннэргэ үтүө холобур оҥостоллор.

Ил Дархаммыт 2022 сылы Ийэ сылынан биллэрэн, быйыл ийэлэргэ, дьиэ кэргэҥҥэ сыһыаннаах хаһааҥҥытааҕар да элбэх сокуон ылылынна, көмө оҥоһулунна, үйэлэри уҥуордаан кэлбит «Ыал – ийэтинэн» диэн өйдөбүлү чиҥэттэ.

Бу сааҥсыйа дьайа турар кэмигэр бырамыысыланнаспыт уонна экэниэмикэбит сайдыыта сөхтөрөр. Бу хайысхаларга Уһук Илиҥҥэ саамай үрдүк көрдөрүүлээхпитинэн киэн туттабыт.

Бэрэсидьиэн Владимир Путин быйыл дойду үрдүнэн биллэрбит Норуоттар култуураларын үйэлээх баайын сылын биһиги толору туһанныбыт. Бастатан туран, Гиннесс рекордугар киирбит оһуокайбытын Арассыыйа култууратын үйэлээх баайынан билиннилэр, «Ньургун Боотур» олоҥхобут опера буолан дойду саамай улахан тыйаатырдарыгар турда.

Өрөспүүбүлүкэбит цифровизация өттүгэр Уһук Илиҥҥэ, Арассыыйаҕа бастыҥнар кэккэлэригэр сылдьара уонна «Креативнай эрэгийиэн» аатын ылбыта барыбытын үөрдэр. Ил Дархаммыт бу хайысханы күүскэ өйөөн, «Үлэ кыбартаала» креативнай кластер тэриллэн, айар-тутар дьоҕурдаах ыччаппыт үүнэр-сайдар, экэниэмикэбит саҥа таһымҥа тахсар кэскиллэннэ.

Арассыыйа үрдүнэн Учуутал уонна уһуйааччы сыла биллэриллэн, Айсен Сергеевич 36 бастыҥ педагог-уһуйааччыга 100 тыһ.солк. кээмэйдээх бириэмийэ олохтообута кэрэхсэбиллээх. Үөрэхтээһин таһымыттан инники олохпут, кэлэр кэскилбит быһаччы тутулуктаах. Быйыл үөрэх эйгэтигэр сүдү уларыйыы тахсыаҕын тус бэйэм саарбахтаабаппын.

Маны таһынан, Айсен Сергеевич көхтөөх уһун үйэлэниини көҕүлүүр соруктары туруорбутун үөрэ иһиттим. Бу – сиэрдээх быһаарыы. Билиҥҥи аҕа саастаах көлүөнэ олох үөһүттэн туора турбакка, уопсастыба оргуйар киинигэр сылдьыан баҕарар. Саха дьоно былыргыттан уһун үйэлээх омук быһыытынан сураҕырарбыт. Ол үтүө үгэспитин салгыах тустаахпыт. Холобур, тус бэйэм ону өйдөөн, дьокутаат буоларым быһыытынан, 2019 сылтан «Көхтөөх уһун үйэлэнии» диэн бырагырааманы үлэлэтэбин. «Аврора» килииньикэ иһинэн тэриллибит Кииҥҥэ сааһырбыт дьон үөрэ-көтө кэлэн, икки нэдиэлэ устата сынньанан, эмтэнэн, саҥаҕа үөрэнэн бараллар. Онон Ил Дархан Саха Сирин уһун үйэлээхтэрэ элбии туралларын туһугар «муниципалитеттар бу хайысхаҕа булгуччу болҕомтоҕо ууруохтаахтар уонна күүскэ үлэлиэхтээхтэр» диэн этиитин толору өйүүбүн.

Айсен Сергеевич кэлэр сылы Үлэ сылынан биллэрбитин, 50 бастыҥ үлэ киһитигэр 300 тыһ.солк. кээмэйдээх бириэмийэ олохтообутун бары да биһирии иһиттэхпит. Тус бэйэм Үлэ сыла биллэриллибитигэр, бастатан туран, тыам сирин дьонун саныыбын. Кинилэр курдук өрөбүлэ, бырааһынньыга, уоппуската суох сүөһүлэрин, хаһаайыстыбаларын көрөн, Саха Сирин олохтоох аһынан хааччыйан олорор дьон ханна да суох.

Ил Дархаммыт өрөспүүбүлүкэ сайдыытыгар, дьон олоҕун тупсарыыга ыытар үлэтин ситиһиитэ – сүдү. Илдьити норуокка судургу уонна өйдөнүмтүө тылынан тиэрдии, уопсастыба биир да араҥатын, биир да кыһалҕатын көтүппэккэ, дьон-сэргэ олоҕо тупсарын туһугар кыһамньыта – бу Айсен Сергеевич мындыр өйүн, уһун-киэн толкуйун, ураты дьоҕурун туоһута.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

4213 сайабылыанньа киирдэ

Халаан уутуттан эмсэҕэлээбит Нам, Өлүөхүмэ, Ньурба улуустарыттан 4000-тан тахса киһи…
27.05.24 17:15