Биллэн турар, билигин судаарыстыбаннай эксээмэн туттарар оҕолорго көмө оҥорор ордук наадалаах. Эпидемиологическай балаһыанньа уустугунан быстах кэмҥэ киирбит дистанционнай үөрэххэ оҕолорго харгыстар үөскүө суохтаатар. СӨ Судаарыстыбаннай Мунньаҕын (Ил Түмэн) Үөһээ Бүлүү-Горнай биир мандааттаах уокуругун дьокутаата Феодосия Габышева кэпсииринэн, муус устар 17 күнүгэр Ил Түмэн иһинэн үлэлиир парламентарий дьахталлар кулууптара кыһалҕалаах дьону кытта төлөпүөнүнэн быһа сибээскэ уустук балаһыанньаҕа түбэспит Үөһээ Бүлүү улууһун соҕотох ийэлэриттэн ыҥырыы-көрдөһүү киирбит. Соҕотох ийэлэр биир төлөппүөнүнэн оҕолор дистанционнайдык үөрэнэллэригэр кыһалҕалар баалларын ыйбыттар. Муус устар 22 күнүгэр Феодосия Габышева «Дьиэҕэ үөрэнэргэ көмөлөс» Бүтүн Арассыыйатааҕы акция чэрчитинэн бу икки ыалга планшет атыылаһан ыытта.
«Дистанционнай үөрэхтээһин кэмигэр оҕолор саҥа билиилэри баһылаан хаачыстыбалаах үөрэхтээһиҥҥэ уонна туһалаах идэни баһылыырга тургутук буолуо диэн эрэнэбин», - диэн «Саҥа оскуола» («Новая школа») федеральнай бырайыак координатора, норуот дьокутаата Феодосия Габышева үөрэххэ ситиһиилэри баҕарда.
-
0
-
0
-
0
-
0
-
0
-
0
