Издательский дом Редакция Подписка
Погода в Якутске: . -11 oC

Мобильнай сибээс сүрүн оператордара дойдуга бигэ сибээһи харыстыыр туһуттан лимиитэ суох тарыыптартан аккаастаныахтара.

Мобильнай сибээс сүрүн оператордара дойдуга бигэ сибээһи харыстыыр туһуттан лимиитэ суох тарыыптартан аккаастаныахтара.

Бородуукта, олох-дьаһах тиэхиньикэ уонна массыына сыаналара үрдээһинин кытта эмиэ тэҥник мобильнай Интэриниэт сыаната үрдүөн сөп. Маннык сабаҕалааһыыны экспертэр суруйаллар. 

Бу сылтан муҥура суох (безлимит) мобильнай сибээс Интэриниэт тарыыптара историяҕа өйдөбүнньүк эрэ курдук хаалыахтарын сөп.

Кулун тутар 28 күнүгэр РФ Сибээс министиэристибэтэ дойду бөдөҥ мобильнай оператордарыгар («Ростелеком», «Мегафон», «Вымпелком» («Билайн»), «Мобильные Телесистемы» (МТС), «Т2 Мобайл» (Teлe2)) тарыыптары саҥалыы көрөн уларытарга сүбэлиир. Кэнники сылларга мобильнай оператордарга урукку "архыып" тарыыптар мунньулуннулар, ол иһигэр муҥура суох Интэриниэт тарыыба буолар. "Бу урукку тарыыптар базовай ыстаансыйаларга үрдүк ноҕоруусканы үөскэтэллэр", - диэн РФ Сибээс министиэристибэтэ быһаарар. 

Биэдэмистибэҕэ этэллэринэн, «архыып» тарыыптарын суох оҥоруу сибээс өҥөтүгэр дьоҕус, биир тэҥ сыананы олохтуурга тиэрдэр.

Дойду мобильнай оператордара миниистир көҕүлээһинин өйөөтүлэр. Мегафоҥҥа миэрэни кэмигэр сөптөөх уонна билиҥҥи уустук балаһыанньаҕа, сибээс өҥөтө мөлтүүр түгэнигэр, Интэриниэт ситимэ бигэ туруктаах буоларыгар тиэрдэрин ыйдылар. Бу туһунан хампаанньа судаарыстыбаннай уорганнарын кытта сибээскэ дириэктэрэ Владимир Месропян эттэ.

МТС-ка төлөппүөнүнэн өр кэпсэтиигэ лимиит олохтооботохторун туһунан чуолкайдаатылар. - Трафикка, мүнүүтэҕэ, СМС-ка хааччахтааһын суох. Лимиитэ суох тарыыптар уларыйбатахтара уонна үлэлииллэр. Ол эрэн, экспертэр бу сайын лимиитэ суох тарыыптар суох буолалларын сабаҕалыыллар.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23