Издательский дом Редакция Подписка
Погода в Якутске: . 20 oC

Саха Өрөспүүбүлүкэтигэр тыа сирин кэлим сайыннарыы бырагырааматынан ааспыт 2022 сыл устатыгар биэс эбийиэк үлэҕэ киллэриллибитэ.

Саха Өрөспүүбүлүкэтигэр тыа сирин кэлим сайыннарыы бырагырааматынан ааспыт 2022 сыл устатыгар биэс эбийиэк үлэҕэ киллэриллибитэ.

Ол курдук, Үөһээ Бүлүү Харбалатыгар 35 миэстэлээх оҕо саада, Сунтаар улууһун Күндэйэтигэр 50 миэстэлээх оҕо саада, Чурапчы улууһун Үрүҥ Күөлүгэр Сайдыы киинэ, Үөһээ Бүлүү Кырыкыйыгар Култуурунай-спортивнай комплекс итиэннэ Чурапчы улууһун туора Күөлүгэр 90/40 миэстэлээх оскуола-саад дьиэлэрэ тутуллубуттара. Итини таһынан, Нам улууһун Кириэс-Кытылыгар «Эрчим» спорт саалата хапыталынайдык өрөмүөннэммиттэрэ.
2022 с. бу бырагырааманан ыытыллар үлэҕэ 1,6 млрд солк көрүллүбүтэ, ол иһигэр федеральнай бүддьүөттэн 1,5 млрд., өрөспүүбүлүкэ бүддьүөтүттэн 64,3 мөл солк. Ити улахан тутуулары таһынан, бырагыраама чэрчитинэн, Хомустаахха (Үөһээ Бүлүү) уонна Сунтаар сэл уулуссалар сырдатыылара оҥоһулунна, Харыйалаахха (Үөһээ Бүлүү) ыһыахтыыр сир тутулунна, Кэскилгэ (Томпо) сүүрэр суол, Арыылаахха (Кэбээйи) кулууп территорита сырдатылынна, Күөрдэмҥэ (Хаҥалас) Ленинаатынан уулсаҕа искибиэр баар буолла. Сунтаар уонна Уус Алдан улуустарын балыыһаларыгар 5 анал массыына, Чурапчы улууһун Хайахсыт оскуолатыгар УАЗ массыына атыылаһылынна.

Быйыл Уус Алдан Сыырдааҕар уонна Чурапчы Мындаҕаайытыгар 120-лии миэстэлэх оскуола, Хаҥалас Үөдэйигэр 60 миэстэлээх оскуола, Уус Алдан Уус Күөлүгэр 50 миэстэлээх оҕо саада, Сунтаарга сөтүөлүүр бассейннаах спортивнай комплекс, Нам улууһугар «Мымах» кыбаартал тутуулара салҕанар.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением