Пуорум иннигэр кинилэр Тыа хаһаайыстыбатын министиэристибэтин Астыыр-таҥастыыр бырамыысыланнас департаменыгар сылдьан, кымыһы оҥоруу туһунан кэпсэттилэр. Территориялары сайыннарыы департаменын дириэктэрин солбуйааччы Дарья Рябухинаны кытары көрсөн, гаас суох сэлиэнньэлэригэр газгольдеры туруорууну федеральнай бүддьүөттэн үбүлүүргэ, «Дьиэ кэргэн пиэрмэлэрин сайыннарыы» федеральнай бырагыраама дьаһалларын кэрискэтигэр газгольдеры туһаныыны учуоттуурга этии киллэрдилэр.
Федерация Сэбиэтин аграрнай бэлиитикэҕэ уонна айылҕаны туһаныыга кэмитиэтин бэрэссэдээтэлин солбуйааччы Егор Борисовы кытары көрсөн, кэпэрээссийэ, бородууксуйаны батарыы, өйөбүл ырычаахтарын тупсарыы боппуруостарыгар элбэҕи сүбэлэттилэр-амалаттыллар. Бу туһунан Тыа хаһаайыстыбатын уонна ас-үөл бэлитикэтин министиэристибэтин пресс-сулууспата иһитиннэрэр.
Хаартыска: Тыа хаһаайыстыбатын уонна ас-үөл бэлитикэтин министиэристибэтин саайта.
-
1
-
0
-
0
-
0
-
0
-
0
