Ааспыт 2022 с. өрөспүүбүлүкэ бас билиитигэр 10,8 млрд солк суумалаах 65 саҥа тутуллан үлэҕэ киллэриллибит комплекс ылыллыбытын туһунан Кэллиэгийэҕэ миниистири бастакы солбуйааччы Ньургустаана Пахомова сыл түмүгүн отчуотугар иһитиннэрдэ.
Бу 65 комплекстан 5 доруобуйа харыстабылын, 8 үөрэхтээһин, 3 спорт, 33 ОДьКХ, 5 гаас эбийиэктэрэ буолаллар. Эбийиэктэр сүрүннээн «Доруобуйа харыстабыла», «Үөрэхтээһин», «Демография», «Олорор дьиэ-уот уонна куорат эйгэтэ» национальнай бырайыактар чэрчилэринэн тутуллубуттар. Маны таһынан, сыл устата 444 эбийиэккэ бас билии бырааба оҥоһуллубут, онтон 321 хапытаалынай тутуу эбийиэгэ.
Онон 2018-2022 сс. өрөспүүбүлүкэ судаарыстыбаннай бас билиитигэр 2 807 хамсаабат баай-дуол эбийиэгэ, ол иһигэр 1834 хапытаалынай тутуу эбийиэгэ регистрацияламмыт диэн Саха Өрөспүүбүлүкэтин Бас билиигэ уонна сиргэ сыһыаннаһыыга министиэристибэтин пресс-сулууспата иһитиннэрэр.
-
1
-
0
-
0
-
0
-
0
-
0
