Сөбүлэҥ усулуобуйатынан, өрөспүүбүлүкэ “Дьааҥы” айан аартыгар өрөмүөн үлэлэрин ыытыахтаах. Бу үлэ 2021 сылга саҕаланара былааннанна уонна 2024 сылынан бүтүөхтээх. Хампаанньа бэйэтин өттүттэн Тополиное – “Прогноз” сир баайын хостуур түөлбэтэ – Барылас хайысхатынан бэйэтин үбүнэн-харчытынан уһатыллыбыт болдьохтоох кыһыҥҥы суолу оҥорон өрөспүүбүлүкэ бас билиитигэр биэриэхтээх.
Маны таһынан, хампаанньа “Дьааҥы” айан аартыгар Томпо өрүһү туоруур муоста бырайыагын оҥоһуутугар ылыста.
– Бүгүҥҥү сөбүлэҥ – Аартыкаҕа тырааныспар суолун сайыннарыыга бастакы хардыы буолар. Бу дуогабарынан, өрөспүүбүлүкэ “Дьааҥы” айан аартыгар 67 км усталаах суол уонна 4 муоста өрөмүөннэрин оҥоруоҕа. Инникитин “Дьааҥы” айан аартыга Үөһээ Дьааҥы улууһун бары нэһилиэктэрин таарыйан ааһарын курдук былаан ылылынна. Хампаанньа бэйэтин өттүттэн 350 км усталаах кыһыҥҥы суолу тутан олоххо киллэриэҕэ. Уопсайа өрөспүүбүлүкэ бу бырайыакка 2,3 млрд. солк. угуоҕа, оттон “Прогноз-Серебро” – 2,06 млрд. солк. Инньэ гынан, чааһынай хампаанньа өрөспүүбүлүкэ суолун-ииһин тутуутугар улахан үбү-харчыны ыытара былааннанна, – диэн Ил Дархан Айсен Николаев бэлиэтээтэ.
СӨ Ил Дарханын уонна Бырабыыталыстыбатын пресс-сулууспатын матырыйаалынан.
-
0
-
0
-
0
-
0
-
0
-
0
