Бииргэ үлэлээһин түмүгэр, Саха сиригэр “Газпром ньиэп” битумуттан оҥоһуллар инновационнай матырыйаалларын киэҥник туттар буолуохтара. Сөбүлэҥ чэрчитинэн саҥа матырыйааллары эрэгийиэн усулуобуйатыгар аспаал бүрүөһүнүн быһыытынан, о.д.а. хайысхаларга тургутан көрүөхтэрэ.
2020 сылтан өрөспүүбүлүкэҕэ битумтан оҥоһуллубут полимернай ыпсыы лиэнтэлэрэ уонна аэродром герметиктэрэ кэлэн саҕалаатылар. 2020 сыл 10 ыйын түмүгүнэн, “Газпром ньиэп” эрэгийиэҥҥэ 24 тыһ. туонна битумнаах матырыйааллары аҕалла.
– Билигин Саха сиригэр хаһан да буолбатах суол-иис өрөмүөнэ бара турар. Тырааныспар инфраструктурата тэтимнээхтик сайдар. Онон инновационнай бородууксуйаны туһаныы суотугар бырайыактар хаачыстыбалаахтык уонна кэмигэр оҥоһуллан бүтүөхтэрэ, – диэн Айсен Николаев бэлиэтээтэ.
– Саха сирэ уустук килиимэттээх. Ону таһынан, оҥорон таһаарыы кииннэриттэн ыраах сытар. Ол да буоллар, биһиги өрөспүүбүлүкэҕэ битумнаах матырыйааллары көдьүүстээхтик тиэрдэр ньыманы тобуллубут. Сөбүлэҥ чэрчитинэн, өрөспүүбүлүкэ тыйыс усулуобуйатыгар сөп түбэһэр битумнаах матырыйаалларынан хааччыйыахпыт, – диэн Александр Дюков иһитиннэрдэ.
СӨ Ил Дарханын уонна Бырабыыталыстыбатын пресс-сулууспатын матырыйаалынан.
-
0
-
0
-
0
-
0
-
0
-
0
