Көрсүһүү кэмигэр өрөспүүбүлүкэҕэ «Дьиэ-уот уонна куорат эйгэтэ» национальнай бырайыак, «Экология» национальнай бырайыак хайысхатынан «Ыраас уу» диэн федеральнай бырайыак олоххо киириилэрин туһунан кэпсэттилэр.
Айсен Николаев Саха сиригэр бары национальнай бырайыактар ситиһиилээхтик үлэлииллэрин уонна болдьохторугар олоххо киирэр кыахтаахтарын иһитиннэрдэ. Ол курдук, 2020 сыл алтынньы 1 күнүнээҕи туругунан былырыыҥҥытааҕар 1,7 % элбэх дьиэ тутуллубутун бэлиэтээтэ.
Өрөспүүбүлүкэ Ил Дархана Владимир Якушевтыын өрөспүүбүлүкэ “РФ субъектарыгар дьиэ-уот тутуутун сайдыытын көҕүлээһин” федеральнай бырагыраамаҕа салгыы кыттарын дьүүллэстилэр. Ол курдук, Айсен Сергеевич Дьокуускайга уонна Нерюнгрига саҥа кыбаарталлар тутууларын туруоруста. Ону таһынан, көрсүһүү чэрчитинэн өрөспүүбүлүкэ тутаах тэрилтэлэрин өйөөһүн боппуруостара көрүлүннүлэр.
-
0
-
0
-
0
-
0
-
0
-
0
