– Куонкурус түмүгүнэн, дьиэ кэргэн пиэрмэтин сайыннарыы гранын 13 бааһынай хаһаайыстыба ылар буолла. Кинилэр кэккэлэригэр ынах сүөһүнү, сылгыны иитиигэ уонна сиртэн үүнээйини ылыыга идэтийэн үлэлиир бааһынайдар бааллар. Граннарын харчытынан хотон, сылгы базатын тутар уонна сүөһү-сылгы атыылаһар, үлэ тиэхиньикэтин ылынар былааннаахтар, – диэтэ тыа хаһаайыстыбатын миниистирэ Александр Атласов.
Грант харчыта хаһаайыстыба үлэтин хайысхатыттан, бизнес-бырайыагыттан тутулуктанан, 4,5 мөлүйүөн солкуобайтан саҕалаан 15 мөлүйүөҥҥэ диэри. Быйыл граҥҥа 134,7 мөл. солк., ол иһигэр федеральнай бүддьүөттэн 112,3 мөл. солк. көрүллүбүтэ. Өрөспүүбүлүкэ араас улуустарыттан 41 бааһынай хаһаайыстыба баһылыга сайаапка түһэрбититтэн, куонкуруска ситэри докумуоннаах 37 хаһаайыстыба киллэриллибитэ.
Быйылгы кыайыылаахтар
Ынах сүөһүнү иитиигэ: Михайлов Михаил Петрович (Чурапчы, Одьулуун), Слепцов Иван Иванович (Абый, Дьөскү), Охлопков Трофим Трофимович (Томпо, Кириэс Халдьаайы), Комин Михаил Пантелеймонович (Сунтаар, Арыылаах), Винокуров Арыйаан Захарович (Нам, Аппааны), Анисимов Семен Степанович (Амма. Сатаҕай), Попов Александр Николаевич (Сунтаар);
Сылгыны иитиигэ: Таныкова Евдокия Николаевна (Чурапчы), Максимов Петр Сергеевич (Хаҥалас, Ой), Протопопов Куприян Николаевич (Нам, Хатас);
Сиртэн үүнээйини ылыыга: Фомин Александр Константинович (Амма, Сэргэ Бэс), Петрова Розалия Романовна (Хаҥалас, Өктөм), Жирков Александр Степанович (Нам, Кириэс Кытыл).
-
0
-
0
-
0
-
0
-
0
-
0
