Издательский дом Редакция Подписка
Погода в Якутске: . -12 oC

Тыа хаһаайыстыбатын министиэристибэтин чахчытынан, атырдьах ыйын 2 күнүнээҕи туругунан, өрөспүүбүүкэ үрдүнэн 148 тыһыынча гектар ходуһа сирэ охсуллубут, 120 тыһыынча туонна от кэбиһиллибит.

Тыа хаһаайыстыбатын министиэристибэтин чахчытынан, атырдьах ыйын 2 күнүнээҕи туругунан, өрөспүүбүүкэ үрдүнэн 148 тыһыынча гектар ходуһа сирэ охсуллубут, 120 тыһыынча туонна от кэбиһиллибит.

Бүлүү улууһа 5 280 туоннаны кэбиспит. Улуус быйыл 27 689 туонна оту, 400 туонна сенаһы, 1 300 туонна сиилэһи бэлэмниир былааннаах. Былырыын үгүс улуус былаанын кыайан толорботох буоллаҕына, Бүлүү былаанын 103 % толорбута уонна баһаартан эмсэҕэлээбит Горнай улууһун хаһаайыстыбаларыгар 1 000 туонна оту атыылаабыта. Оттон быйыл оттооһун туруга хайдаҕый?

Ол туһунан тыа хаһаайыстыбатын улуустааҕы департаменын начальнига Павел Иннокентьев маннык билиһиннэрдэ:

– Уһун, күүстээх ардахтар түһэннэр, элбэх ходуһабыт ууга былдьанна. Улуус баһылыга Сергей Винокуров дьаһалынан сүөһү дорохой аһылыгын бэлэмнээһиҥҥэ суһал ыстаап тэриллэн, сэттэ нэһилиэккэ ыксаллаах быһыы-майгы эрэсиимэ биллэриллибитэ: Лөкөчөөҥҥө, Баппаҕаайыга, Дьөккөҥҥө, Бөкчөҥөөҕө, Тааһаҕарга, Чочуга уонна Тоҕуска. Итиэннэ ууну түһэрии үлэтин суһаллык ыытар итиэннэ мобильнай этэрээттэринэн ыраах учаастактарга оттуур сорук туруоруллубута. Икки нэһилиэккэ, Лөкөчөөҥҥө, Дьөккөҥҥө, уматыгын уйунан, Мелиорация управлениетын салаатыттан экскаватордары таһаарбыппыт. Билигин бу сэттэ нэһилиэккэ дьаһалталар сүрүннээһиннэринэн хоруу хорон, ууну түһэриигэ субуотунньуктар ыытыллаллар, төһө от оттонор кыахтааҕар, төһө от тиийбэтигэр барыллааһын оҥоһуллар уонна оту атыылаһааччылартан сайаапка хомуйуллар, ол оту тиэйиигэ-таһыыга улуус бэйэтин өттүттэн эмиэ үп көрүөхтээх.

Ааспыт балтараа нэдиэлэ устатыгар кураан күннэр туран биэрэннэр, нэһилиэнньэ күүскэ оттоото. Ону таһынан 21 мобильнай биригээдэ тэриллэр диэн Тыа хаһаайыстыбатын министиэристибэтигэр биллэрдибит, кинилэр холбоон 2 600 туоннаны оттуохтаахтар.

Бүгүҥҥү туругунан, кыстыыр оппутун 75-80 % хааччынар кыахтаахпыт диэн барыллаан олоробут. Ходуһалара ууга сытар нэһилиэктэр барыта үрэх дойдулар, уу тартар эрэ, дьон хойукка диэри оттоон, балаһыанньа кэм көнүөн сөп. Холобур, Баппаҕаайыга уонча хонуктааҕыта быһыы-майгы чахчы ыарахан эбит буоллаҕына, бүгүн: «Уу түһэн эрэр, сир куурарынан көрөн, оттуу сылдьабыт», -- диэн биллэрдилэр.

Үчүгэй үүнүүлээх нэһилиэктэргэ холбоон 500 туоннаны саппааска оттуур соругу туруорабыт. Курааннаабыт улуустар от сакаастаары ыйыталлар да, быһаарыы ыла иликпит, бастаан бэйэбитин хааччынан эрэ баран, чопчу этэр кыахтаахпыт.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23