Издательский дом Редакция Подписка
Погода в Якутске: . -32 oC

Үөһээ Бүлүү улууһун Балаҕаннаах нэһилиэгин эдэр пиэрмэрэ Петр Кардашевскай 2016 с. СӨ Тыатын хаһаайыстыбатын министиэристибэтин «Саҥа саҕалааччы пиэрмэр» куонкуруска кыттан, 1 мөл. 500 тыһ. солк. суумалаах грант ылан үлэтин саҕалыырыгар, түөрт эрэ ынах сүөһүлээҕэ. Үлэлээбит сылларыгар кини ынах сүөһү ахсаанын 90-тан тахса төбөҕө тиэрдэн, грант балаһыанньатынан биэс сыллаах ирдэбилин эрэллээхтик толордо.

Үөһээ Бүлүү улууһун Балаҕаннаах нэһилиэгин эдэр пиэрмэрэ Петр Кардашевскай 2016 с. СӨ Тыатын хаһаайыстыбатын министиэристибэтин «Саҥа саҕалааччы пиэрмэр» куонкуруска кыттан, 1 мөл. 500 тыһ. солк. суумалаах грант ылан үлэтин саҕалыырыгар, түөрт эрэ ынах сүөһүлээҕэ. Үлэлээбит сылларыгар кини ынах сүөһү ахсаанын 90-тан тахса төбөҕө тиэрдэн, грант балаһыанньатынан биэс сыллаах ирдэбилин эрэллээхтик толордо.


Санаттахха, СӨ Ил Дархана Айсен Сергеевич Николаев 2023 сылы Саха Сиригэр Үлэ сылынан биллэрбитэ. Ол курдук, Петр Владимирович үүммүт Үлэ сылыгар күүстээх сыал-сорук туруорунан, тыа хаһаайыстыбатын өҥөнү оҥорор «Сээс» кээпэрэтиибин тэрийэн, регистрациятын хайы-үйэ бигэргэттэ. Кээпэрэтипкэ 100 төбө ынах сүөһүнү туруорар хотон тутуутугар министиэристибэ ыытар куонкуруһугар кыттар санаалаах кэккэ боппуруостары быһаарса, сүбэлэтэ Тыа хаһаайыстыбатын миниистирэ Александр Атласовка уонна миниистири бастакы солбуйааччы Петр Поповка сырытта. Александр Павлович уонна Петр Иванович кээпэрэтип эдэр салайааччытыгар куонкуруска киирсэр докумуоннары ситэрэн-хоторон бэлэмнииригэр сүбэлээтилэр, үлэтин тиһэҕэр тиэрдэригэр, үлэтэ-хамнаһа түмүктээх буоларыгар уонна тыа хаһаайыстыбатын салаатыгар ыччат ылсан үлэлииллэрин быһаччы өйүүллэрин биллэрдилэр.

1233
Былырыын Балаҕаннаах нэһилиэгин өрүс арыытыгар Бүлүү өрүс уута таһымнаан, халаан уута кыстык оту илдьэ барбытыгар биэдэмистибэ көмө оҥорбута. Ол курдук, от атыыласпыт сууматыттан 30%-нын уонна тиэйэр-таһар ороскуоттарын толуйан, Хатас курдук ыраах сиртэн кыстык оту тиэйэн аҕалтарда. Ону тэҥэ Далыр, Мэйик нэһилиэктэриттэн от атыылаһан кыстыгы этэҥҥэ туоруурга бигэ эрэллээх. Билиҥҥи туругунан хаһаайыстыбатыгар эбии дуогабарынан 4 ыал сүөһүтүн көрөр.
Инники өттүгэр сүөһү көрүүтүн тохтотуон аҕам саастаах дьону саҥа тэриллибит кээпэрэтиипкэ киллэрэн, төһүү күүс-көмө буолар сыаллаах-соруктаах. Оччотугар, Үлэ сылыгар Петр Кардашевскай курдук эдэр патриот уолаттары үлэҕэ-хамнаска баҕа санааларынан ылсалларын өрөспүүбүлүкэ, улуус салалталара уонна тыа сирин дьоно-сэргэтэ сөптөөх өйөбүл оҥоруохтара дии саныыбын.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением