--Быйыл курааннаан даҕаны, баһаардар да тураннар, итиэннэ күүстээх ардахтар да түһэннэр, сүөһү аһылыгын бэлэмнииргэ кэккэ уустуктары көрүстүбүт. Төһө да айылҕабыт тургутан көрдөр, хоруона хамсыга да хааччахтаатар, оттооһун хаамыыта үчүгэй", -- диир улуус баһылыга Андрей Ноговицын.
Оттооһун суһал штаба 15 мобильнай биригээдэни тэрийэн, 3100 туонна оту бэлэмнииргэ сорудахтаата. Атырдьах ыйын 5 күнүттэн оттоммотох сирдэри оттуурга көҥүллээтилэр.
Ааспыт нэдиэлэтээҕи туругунан, барыта 23 746 туонна от бэлэмнэммит. Оттон былаан -- 39 857 туонна. Сенажка -- 800 т. Сиилэскэ -- 2200 т.
Күн бүгүн Чурапчы улууһун ходуһаларыгар 1806 киһи, 916 тыраахтыр, 698 звено үлэлии сылдьар.
-
0
-
0
-
0
-
0
-
0
-
0
