Издательский дом Редакция Подписка
Погода в Якутске: . 10 oC

Ил Түмэн дьокутааттара: тыа сиригэр уонна аграрнай бэлиитикэҕэ кэмитиэт бэрэссэдээтэлэ Андрей Находкин, хонтуруоллуур кэмитиэт бэрэссэдээтэлэ Евгений Перфильев уонна мандаат, регламент хамыыһыйатын бэрэссэдээтэлэ Адрей Николаев бу күннэргэ Нерюнгри оройуонугар үлэлииллэр.

Ил Түмэн дьокутааттара: тыа сиригэр уонна аграрнай бэлиитикэҕэ кэмитиэт бэрэссэдээтэлэ Андрей Находкин, хонтуруоллуур кэмитиэт бэрэссэдээтэлэ Евгений Перфильев уонна мандаат, регламент хамыыһыйатын бэрэссэдээтэлэ Адрей Николаев бу күннэргэ Нерюнгри оройуонугар үлэлииллэр.

Кинилэр алтынньы 27 күнүгэр Алдан оройуонун Якокит бөһүөлэгэр баар агрогородокка сылдьан, хаһаайыстыба үлэһиттэрин көрүстүлэр, сылы эргиччи үлэлиир тэпилииссэ уонна 160 ынахтаах пиэрмэ үлэтин-хамнаһын билистилэр. Алдан оройуонугар «АЯМ тутааччыларын ассоциацията» хааччахтаммыт эппиэтинэстээх тэрилтэ тыа хаһаайыстыбатын сайыннарыыга туһуламмыт «Якокит агрогородога» бырайыагы 2010 сыллаахха саҕалаабыта. Эстибит сопхуос чээрэтигэр тэриллэн үлэлээбит «Якокит» кэлэктиибинэй хаһаайыстыба моҥкуруукка барбытыгар, киниттэн ордубут баазаны атыылаһан ыланнар, аямовецтар саҥа хаһаайыстыбаны тэрийбиттэрэ. 200 ынар ынаҕы, үс «Бөлөрүүс» тыраахтары атыыласпыттара, ыанар ынах уонна ньирэй хотоннорун туппуттара, дал, кыбыы оҥорбуттара, 2,2 Гкал кыамталаах модульнай хочуолунайы туруорбуттара итиэннэ сууккаҕа 2 туона үүтү астыыр сыаҕы, эти астыыр дьоҕус буойунаны, сылы эргиччи үлэлиир тэпилииссэни оҥорбуттара. Онон билигин агрогородок тыа хаһаайыстыбатын үлэтин-хамнаһын хас да көрүҥүн тэрийэн, олохтоохтору хамнастаах үлэнэн, нэһилиэнньэни сибиэһэй аһынан хааччыйар аналын дьоһуннук толорон олорор хаһаайыстыба буола үүннэ.

Якокит_2.jpg

Хаһаайыстыба салалтата дьокутааттарга биир сүрүн кыһалҕа быһыытынан, каадыр тиийбэтин, ыччаттар бырамыысаланнаска бара туралларын туһунан эттэ. Ону таһынан сабыылаах тэпилииссэҕэ үүнэриллэр оҕуруот аһын субсидиялыырга, үлэ тиэхиньикэтин атыылаһыы ороскуотун толуйарга итиэннэ тыа хаһаайыстыбатын өйөбүлүгэр харчыны ынах ахсааныгар буолбакка, үүтү туттарыыга көрөргө туруоруста. 

Алтынньы 28 күнүгэр дьокутааттар Нерюнгри оройуонун Иенгратыгар сылдьан, «Золотинка» муниципальнай унитарнай тэрилтэ үлэтин көрдүлэр-иһиттилэр. Салгыы Серебряный Бор бөһүөлэгэр «Северное сияние» бааһынай хаһаайыстыба, Чульман бөһүөлэгэр Жомарт Зигуатов биирдэм тэрилтэтигэр сылдьыахтаахтар. Итиэннэ быыбардааччылары, АПК үлэһиттэрин кытары көрсөн, оройуоҥҥа тыа хаһаайыстыбатын өйөөһүн тирээн турар боппуруостарын туһунан кэпсэтиэхтэрэ диэн Ил Түмэн пресс-сулууспата иһитиннэрэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением