Издательский дом Редакция Подписка
Погода в Якутске: . -25 oC

Ахсынньы 23 күнүгэр Арассыыйа Федерациятын Сэбиэтин 536-с түмүктүүр мунньаҕар «Саха Өрөспүүбүлүкэтин социальнай-экэнэмиичэскэй сайдыытын судаарыстыбаннай өйөбүл туһунан” уураах ылылынна диэн Саха Сирэ суруйар.

Ахсынньы 23 күнүгэр Арассыыйа Федерациятын Сэбиэтин 536-с түмүктүүр мунньаҕар «Саха Өрөспүүбүлүкэтин социальнай-экэнэмиичэскэй сайдыытын судаарыстыбаннай өйөбүл туһунан” уураах ылылынна диэн Саха Сирэ суруйар.

Докумуон ахсынньы 13-14 күннэригэр Саха сирин күннэрин чэрчитинэн судаарыстыба үрдүкү палаататын кэмитиэттэригэр өрөспүүбүлүкэ сайдыытын туһунан турбут боппуруостары ырытыы түмүгэр ылылынна. Ил Дархан Айсен Николаев бэлиэтээн эппитинэн, бу докумуоны ылыныы иннинэ уһун, дьаныардаах үлэ ыытылынна. “Саха сиригэр дьыала ис туругун билсэ диэн сенатордар кэлэ сылдьыбыттара. Киин куоракка эрэ ыалдьыттаабакка, хотугу улуустарга тиийэ айаннаабыттара.

 Бу уураах Федерация уонна Саха Өрөспүүбүлүкэтин салалтатын уопсай көдьүүстээх үлэлэрин түмүгүнэн буолар». Сенатордар Саха сирэ сиртэн хостонор баайын Арассыыйа биир саамай суолталаах киинэ буоларын бэлиэтээн ыйбыттар. 2025 сылга диэри Арасссыыйа пространственнай сайдыытын стратегиятыгар ыйыллыбытынан, Саха Өрөспүүбүлүкэтэ маҥнайгы уочарат көрүллэр геостратегическай сиринэн буолар.

Докумуоҥҥа Саха сирин сайдыытын атахтыыр кыһалҕалар ыйыллыбыттар, ханнык хайысхаҕа суһал дьаһаныы ылыныллыахтааҕа ыйыллыбыт. Олор истэригэр Өлүөнэ өрүс муостатын тутуу, өрөспүүбүлүкэ аэропуордун, салгынынан көтөр тырааныспары сөргүтүү, суолу-ииһи сайыннарыы, үгүс тутуулары саҕалааһын ыйыллыбыт.

 Ону таһынан аналлаах министиэристибэлэргэ, биэдэмэстибэлэргэ чопчу ханнык тутуулары ыйыллыбыт болдьохторго олоххо киллэрэр туһунан ыйыылар бэрилиннилэр. Федерация Сэбиэтин уурааҕа ылыллыбыт күнүттэн күүһүгэр киирдэ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением