«2022 сыл биһиэхэ судургута суох буолла. Ол да буоллар пандемия да, тастан күhэйии да, санкциялар да Уһук Илин социальнай-экэнэмиичэскэй сайдыытын бытаардыбатылар. Дойдубут экэниэмикэтэ Илин диэки тэнийдэ, ол саҥа перспективалары арыйда», - диэтэ кини.
Билигин хайыы үйэ 2784 инвестиционнай бырайыагы олоххо киллэрии салҕанан барар. Ааhан эрэр сылга 120 тэрилтэ тутулунна, 14 тыһ. кэриҥэ үлэ миэстэтэ таhаарылынна. Илиҥҥи экэнэмиичэскэй форумҥа уопсайа 3,3 трлн солк. уопсай сууммаҕа 296 инвестиционнай сөбүлэһиигэ илии баттанна. РФ Президенэ кыттыылаах Арассыыйаҕа саамай бөдөҥ эбийиэктэр — Забайкальетааҕы бурдук терминала, Камчаткаҕа «Командор» балыгы астыыр собуот аhылыннылар, итиэннэ Сахалин уобалаhыгар анаан Амурдааҕы суудуналары оңорор собуокка тутуллубут «Александр Деев» паром былааҕын кѳтѳхтѳ.
2022 сылга Уһук Илин территориятыгар социальнай инфраструктура 46 эбийиэгэ — оскуолалар, балыыһалар, оҕо саадтара, култуура уонна спорт тэрилтэлэрэ үлэҕэ киирдилэр. Хапытаалынай өрөмүөн 44 эбийиэккэ оңоhулунна. «1000 тиэргэн» бырагыраама чэрчитинэн 1229 тиэргэн, 6 уопсастыбаннай территория тупсарылыннылар.
РФ Президенин сорудаҕынан Уһук Илин куораттарын маастар-былааннара оҥоһуллаллар. Бырайыактар судаарыстыба баһылыгар 2023 сыл саҥатыгар көрдөрүллүөхтэрэ.
Саҥа соруктарынан анал байыаннай эпэрээссийэҕэ кѳмѳнү оңоруу уонна Арассыыйа састаабыгар холбоспут территориялары чөлүгэр түһэрии буолаллар.
Итинник этэн туран, түмүккэ Юрий Трутнев инникигэ күүтэр элбэх үлэни, соруктары бары бииргэ кыайа тутуохпут диэн эрэлин биллэрдэ.
-
0
-
0
-
0
-
0
-
0
-
0
