Издательский дом Редакция Подписка
Погода в Якутске: . -14 oC

Ахсынньы  17  күнүгэр Ил Дархан  Айсен Николаев Ленскэй куоракка өрөспүүбүлүкэ ньиэп-гаас бырамыысыланнаһын салаатыгар каадырдары бэлэмнээһиҥҥэ сүбэ мунньах ыытта диэн Саха сирэ суруйар.

Ахсынньы  17  күнүгэр Ил Дархан  Айсен Николаев Ленскэй куоракка өрөспүүбүлүкэ ньиэп-гаас бырамыысыланнаһын салаатыгар каадырдары бэлэмнээһиҥҥэ сүбэ мунньах ыытта диэн Саха сирэ суруйар.

Мунньах кыттыылаахтара  ньиэп-гаас салаатыгар исписэлиистэри бэлэмнээһиҥҥэ этиилэрин киллэрдилэр. Бырамыысыланнас уонна геология миниистирэ Максим Терещенко иһитиннэрбитинэн, чугастааҕы сылларга   туһааннаах салааларга биир тыһыынча кэриҥэ исписэлиистэр наада буолуохтара.  Ньиэп-гаас салаатыгар хамнас орто кээмэйэ  128 тыһ. солк. тэҥнэһэр. Идэтийбит исписэлиистэр тиийбэттэрэ каадырдары бэлэмнээһин хойутаан  ыытылларын кытары сибээстээх. «Биһиги эрэгийиэммитигэр бырамыысыланнас балысханнык сайдар. Онон хампаанньалар үрдүк квалификациялаах исписэлиистэргэ наадыйыылара улаатан иһэр.  Бүгүн ньиэп-гаас бырамыысыланнаһын хампаанньаларын таһынан, таас чоҕу, кыһыл көмүһү, алмааһы хостуур предприятиеларга оробуочай каадырдар тиийбэттэрэ баар суол», —  диэтэ Ил Дархан.

Хомойуох иһин, бырамыысыланнай хампаанньалары барыларын анал үөрэхтээх исписэлиистэринэн хааччыйар кыахпыт суох.  «Хампаанньалар олохтоох каадырдары үлэҕэ ылыахтарын баҕараллар.  Онон, саҥа эбийиэктэри тутуунан муҥурдаммакка эрэ, үрдүк квалификациялаах исписэлиистэри бэлэмнииргэ дьулуһуохтаахпыт. Айти-технологиялары билэр-көрөр, саҥа оборудованиеларга үлэлиир кыахтаах исписэлиистэри үөрэтэн таһаарыахтаахпыт.  Ол туһугар  систиэмэ төрдүттэн уларыйан, каадырдары орто анал, үрдүк үөрэх кыһаларыгар эрэ буолбакка, оскуола саҕаттан бэлэмниэхтээхпит», — диэн Айсен Николаев эбэн эттэ.

Туһааннаах боппуруоһу быһаарарга  Максим Терещенко бырамыысыланнай идэлээх дьону үөрэтиигэ тус сыаллаах үөрэххэ  чопчу квотаны көрөргө эттэ. Итини сэргэ, холобур,  «Газпром трансгаз Томск» ХЭУо курдук бастыҥ устудьуоннары производственнай быраактыкаҕа сырытыннаран баран, салгыы кинилэри тус сыаллаах дуогабарынан киин үрдүк үөрэх кыһаларыгар үөрэтэ ыытар курдук үлэ барыахтааҕын эттэ. Үөрэх миниистирэ Ирина Любимова үөрэх кыһаларыгар ньиэп-гаас салаатын исписэлиистэрин бэлэмниир салааларга  миэстэни элбэтэргэ сөбүлэстэ. Маны таһынан кини «Профессионалитет» федеральнай бырайыак иитинэн кыттыгас үбүлээһин усулуобуйатынан Саха сирин Соҕурууҥҥу технологическай кэллиэһин базатыгар анал кластеры аһарга этии киллэрдэ. Мунньах түмүгэр  Айсен Николаев  бырабыыталыстыбааҕа уонна муниципальнай тэриллии баһылыктарыгар чопчу хайысхаларынан каадырдары бэлэмнээһиҥҥэ соруктары туруорда.  Ньиэп-гаас  бырамыысыланнаһын хампаанньаларын бэрэстэбиитэллэригэр оскуолаларга профориентационнай үлэҕэ болҕомто ууралларыгар туһаайда.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23